Luku 18:3 - Buka Blahi Ka Cheke Holo

³ Ka namono tuana, aula kaisei naikno biꞌo te tei fabrahu ka mae fate igne. Naꞌa ne cheke eghu ka mana, ‘Togho ghau ka puhi te fathoro mei tagu nogu naoka gne.’

Luku 18:3 Iomraidhean Croise

Thoutonu Eigna Mae Job 22:9

Iagho tirou toghodi iheire te lehe khetodi, eghuteuna iagho jaola goigoni goro sua glehe kokoi.

Thoutonu Eigna Mae Job 29:13

Ka narane tuana, naikno te papara fara igre cheke fakeli ghau iara, eghuteuna naikno biꞌo re thono glealeꞌa fara, naugna iara neke toghodi.

Profet Isaia 1:17

Ghotilo hironi kolho puhi te doglo na. Ghotilo tathaji puhi te mala eni glepo te doglo na, eghuteuna ghotilo koko puhi te diꞌa te goigonidi keha naiknore. Eghuteuna toghodi goro sua glehe kokoi ba goro naikno biꞌo te lehehi khetodi re are.”

Profet Jeremaea 5:28

Leuleghu fata na mare ima gano te keli, mare boho biꞌo thiꞌadire. Mare theome gnafa te eni puhi te diꞌa na, ba puhi te fameomekro na ka goro sua te glehe kokoi. Eghuteuna kate thokedi puhi biꞌo naikno te kuma igre, mare tirodi toghodi nafnata naikno igre.

Matiu 5:25

“Mae ihei te magnahaghei hata nigho kau fate eigna unha teke eni fadiꞌa iagho ranghini na, iagho ghosei tei fadoglini ka mana puhi tuana. Te theo iagho na, mana ginauna na hata tei nigho ka mae mala fate. Eghuteuna, mae mala fate na ginauna snakre tei nigho ka hatimare mae pulisire. Aonu, mare ginauna hata tei nigho kau suga sosolo.

Luku 18:2

Mae Jisas ne cheke eghu, “Kaisei fata, kaisei mae fate au jare ka kaisei namono. Mae igne theome ghatho tahuni God, nei theome nanga dila naiknore eghu.

Luku 18:4

“Nu mae fate igne ne tirogna toghoni naikno biꞌo na. Leghu lahu na, mae fate igne ne cheke eghu ka gaoghathogna thegna na, ‘Tore, iara babaꞌo nogu fara ka unha te chekeni koba naikno biꞌo igne. Nu neuba ngau iara ne theome ghatho tahuni God nei theome ghatho tahudi naiknore neu,

Luku 18:5

iara na toghoni naikno biꞌo igne mala fadogli puhi tuana ka naꞌa. Jame te theome fadoglini iara puhi tuana ka naꞌa na, naꞌa ginauna na mei fabrahu na ghilei kmusa iara.’ ”

Diutronomi 27:19

“ ‘Puhi biꞌo ginauna thokeni ihei te theome leghuni puhi te doglo kate fateni naikno phosa nei goro sua te glehe kokoi, nei goro naikno biꞌo tela lehehi khetodi re.’ Eghuteuna naiknore ginauna cheke eghu, ‘Amen!’