Luku 18:25 - Buka Blahi Ka Cheke Holo

²⁵ Uve, glepo biꞌo te kiloi kamel na, theome tangomana te ruma ka khoragna nili te ikoi na. Nu ke ninhigrana gna tuanai ranghini naikno te thono dedei fara na te ruma ka nogna naikno God te funei frunidire.”

Luku 18:25 Iomraidhean Croise

Matiu 19:24

Uve, te chekeni iara ka ghotilo na, theome tangomana kamel na te ruma ka khoragna nili na. Eghuteuna ke ninhigrana gna tuanai mae dedei nate ruma baludi naikno te funei frunidi God re.”

Matiu 23:24

Ghotilo baubatudi naiknore, nu ghotilo mae baubatu dofu eghu! Naugna ghotilo krisu koko sisimi te thoti ke lamnagna nomi tapera na, nu ghotilo aga soruni ngala kamel biꞌo na ka thi'ami re!

Matiu 9:5

Thono bligi fara te cheke eghu na, ‘Thuguo, iara la hata fadeleihi nakhibomu iagho re teuna’, naugna theo kaisei naikno tangomana te filoni te au nolaghi iara te mala eni gloku igne. Nu ninhigrana fara te cheke eghu na, ‘Kegra haghe, hata nou sape na tei teuna,’ naugna naikno na tangomana te filoni jame te au nolaghi iara te mala eni tuana.

Nonomho Te Keli Teke Risoi Mae Mak 10:25

Uve, glepo biꞌo te kiloi kamel na, theome tangomana te ruma ka khoragna nili te ikoi na. Nu ke ninhigragna tuanai ranghini naikno te thono dedei fara na te ruma ka nogna naikno God te funei frunidire.”

Luku 18:26

Kate nomhini igne, naiknore ne cheke eghu, “Tore, te eghu na, mae ihei ngala si nate hatani thofno karha na ia?”