Luku 18:16 - Buka Blahi Ka Cheke Holo

¹⁶ Nu mae Jisas ne kilo meidi goro suare ka thegna, ne cheke eghu ka nogna mae fanomhore, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Luku 18:16 Iomraidhean Croise

Jenesis 21:4

Nhana narane ke leghugna teke karha mae thugna na, mae Ebraham ne leghuni chekegna God na ne tohi fagaglanani mana.

Fapea Kronikols 20:13

Ka narane tuana, maedi Juda baludi goro gaꞌase nei goro sua teure ne kegra ke ulugna nogna Sugablahi Lord na.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Matiu 19:14

Nu mae Jisas ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.”

Luku 18:15

Keha naiknore hata ne mei ka mae Jisas thudire mala fablahidi mana. Eghuteuna kate filoni mae fanomhore igne, mare ne chekedi naiknore mala thosei eni igne.

Luku 18:17

Tutuani fara, te chekeni iara ka ghotilo na. Mae ihei te theome magnahaghei jateula sua igne teu te mei ka God na, mana ginauna na theome nabagna te au farihoteidi naikno God te funei frunidire.”

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Ululahu Korin 7:14

Mae ihei te theome fatutuani na, mana tangomana te mei namo ka God na, naugna mana ne kaisei balugna thau khiloau te tolaghi mana tagna na. Eghuteuna gaꞌase te theome fatutuani na, naꞌa tangomana te mei namo ka God naugna naꞌa ne kaisei balugna mae khiloau te tolaghi naꞌa tagna na. Jame te theome tutuani igne na, thumi ghotilo re ginauna theome doglo ka tathagna God na. Nu gognaro na naugna ka nomi fatutuani ghotilo idodi kmadira, thumi ghotilo re tangomana te mei namo ka God.

Diutronomi 29:11

Ghotilo goro gaꞌase ra, goro sua ra, naikno phosa te mala uge nomi gaju nei mala pala khoꞌu mei teu ka ghotilo ra.

Diutronomi 31:12

Ka narane tuana, mae nalhaꞌu nei goro gaꞌase teura mala kafe mei, eghuteuna goro sua nei naikno phosa teu te au balumi ghotilo ra jaola kafe mei, mala tangomana mare te kafe nomhini vetula igne. Ka nafnata puhi igne, mare tangomana te laseni puhi te mala ghatho tahuni Lord nomi God. Eghuteuna mala tangomana mare te thofno leghudi cheke te gnafa te au ka vetula igne.

Ululahu Pita 2:2

Nu ghotilo mala jateula sua gegeꞌe te karha majaghani te magnahaghei chuꞌu ia eghu kolho. Naugna ghotilo nabami na magnahaghei farirhiu te famane klino nei bligi eghu kolho. Eghuteuna ghotilo ginauna tangomana te kotu haghe ka farirhiu igne nei ginauna hata u thofno nakarha eghu.