Luku 18:12 - Buka Blahi Ka Cheke Holo

¹² Iara theome ima phei narane ke lamnagna kaisei wik naugna iara dangna. Eghuteuna iara tangomana te tusu ranghi nigho iagho fabothodi nogu sileni teke hata iara ka nogu gloku na.’

Luku 18:12 Iomraidhean Croise

Fapea Kings 10:16

Mae Jehu neke cheke eghui, “Gognarona iagho mei balugu iara mala filoni themu te loku iara ranghini Lord na.” Aonu phiamare kafe saghe ka chariot na ne tei Samaria.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Profet Malakai 3:8

“Eghume te chekeni iara ka ghotilo na, ‘Ghotilo blau nogu glepo iara re. Puhi te diꞌa igre theome gnafa ka ghotilo eghu.’ “Thogheiro na ghotilo nake cheke ka iara, ‘Naugna unha sagho te chekeni ne blau ghehati nou glepore teu gnea?’ “Filo si ghotilo, ghotilo chaghi ghau iara, naugna ghotilo ne theome atha ne mei ka iara fabothodi gobigna lepo malagu iara teku ghotilora.

Naba 18:24

Naugna fabothodi unha te atha te mei naiknodi Israel te tusu mei jateula fafara teu ka iara Lord, iara la tusu laohi ka vikegna Livae mala khotogna mare. Eigna iara la chekenihi te vikegna Livae igne theome tangomana te khotogna kaisei vido glose ka nomi glose ghotilo naiknomi Israel.”

Naba 23:4

God mei ne thafoni mana, aonu mae Balam ne cheke eghu, “Iara neke edi fitu olta, eghuteuna kaisei olta teuna, iara fafara buluka nei sipu eghu.”

Matiu 5:20

Te chekeni iara ka ghotilo gognaro na, te jateula nakarhadi hatimare mae velepuhigna vetula nogna mae Moses nei hatimare mae Farasi teu ghotilo te theome keli na, ghotilo ginauna theome nabami te ruma ka naikno te funei frunidi God re.”

Matiu 6:1

Mae Jisas ne cheke eghu, “Fiofilo ghami ghotilo ia, thosei mala filo ghami nga eghu edi gloku te kelire ke uludi naiknore. Naugna mae Kmami ghotilo te au kligna na mana ginauna na theome taba ghami ghotilo.

Matiu 6:16

Mae Jisas ne cheke eghu, “Gognaro na eigna te theome ghamu gano. Kate dangna na, ghotilo thosei filo uchu jateula te edi mae te chaichaghi ra eghu. Mare fadidiꞌa tathadire ka narane te dangna na. Mare eni igne, mala filo naiknore eghu kolho. Nu tutuani fara te chekeni iara ka ghotilo na, mare la kulu hatahi nodi tabare ka naiknore.

Matiu 6:5

Mae Jisas ne cheke eghu, “Kate tarai na, ghotilo mala thosei jateula mae te chaichaghi ra eghu. Mare magnahaghei fara te tei kegra te tarai ke lamnadi suga tharai ba farihotei glalaba. Mare magnahaghedi naiknore te filodi unha te edi mare re. Nu tutuani fara te chekeni iara ka ghotilo na, mare la kulu hatahi ka naiknore nodi tabare.

Matiu 9:14

Nogna fanomho mae Jone Apublahi igre mei ne ghusna eghu ka mae Jisas, “Velepuhi, ghehati nei mae Farasi gre eghu dangna gano koba. Naugna unha si nou mae fanomho iagho gre te theome dangna gnea?”

Luku 11:42

“Puhi biꞌo ka ghotilo, mae Farasi ra! Naugna ghotilo tangomana te tusu lao ka God kaisei ka fabothodi ghemi khuromu te kilodi mint, nei ruꞌu, nei keha glepo ikoi langau teke hata ka nomi nagare re. Nu ghotilo ghatho ihodi te mala toghodi naiknore nei ghatho iho nila te mala namhani God. Glepo te ikodi igre te mala edi ghotilo re, nu ghotilo thosei ghatho dila glepo te biꞌo are.

Luku 17:10

Eghume ghotilo ginauna jateula tuana eghu. Kate edi ghotilo gobigna lepo teke chekedi God re, ghotilo cheke eghu kolho, ‘Tahati mae gloku kolho, eghuteuna theome naba kaisei naikno te fafnakno ghita na, naugna tahati edi kolho glepo te mala edi tahati teku re.’ ”

Letas Teke Riso Tei Mae Pol Ka Khiloau Rom 3:27

Eghume jateula tuana eghu, te cheke fahaehagheni tahati ne doglo ke ulugna God teuna. Ba naugna te leghuni tahati nogna vetula mae Moses na? Theo! Kaisei glepo te cheke fahaehagheni tahati na naugna tahati fatutuani ni Kraes, theome eigna te leghuni tahati nogna vetula mae Moses na.

Ululahu Korin 1:29

God neke eni igne mala theome tangomana kaisei naikno te fahaehaghe ka tathagna God na.

Galesia 1:14

Eghuteuna iara heta fara mala leghu fakelini nodi kastom hatimare mae biꞌomi Jiu tifa ra. Ka puhi igne iara loku heta fara uludi kmana mae kheragu te majaghani ra.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Ululahu Samuel 15:13

Aonu mae Samuel tei ne filoni King Sol ka vido igne. Eghuteuna King Sol ne cheke eghu ka mana, “Iara toreni Lord mala fablahi nigho! Iara la edihi gobigna lepo teke chekedi Lord ra.”