Luku 17:7 - Buka Blahi Ka Cheke Holo

⁷ “Jame kaisei mae ka ghotilo au kaisei nogna mae gloku, mae mala joꞌu ba mae mala reireghi sipu. Kate pulo mei mae gloku na funugna ka nagare na, ba, iagho ginauna na chekeni mana mala mei ima nei koꞌu eghu ka vido tuana la?

Luku 17:7 Iomraidhean Croise

Matiu 12:11

Mae Jisas ne cheke eghu ka mare, “Jame kaisei mae ka ghotilo au nogna sipu. Eghuteuna sipu tuana snoꞌo lamna khora kau narane Sabat. Mana ginauna korho fajiflani kau khora na.

Luku 13:15

Mae Jisas ne cheke eghu ka mana, “Ghotilo gne lase chaghi fara. Ghotilo te gnafa na, neubane narane Sabat, ghotilo rurutha gnarhodi nomi buluka ba dongki re, eghuteuna batuni tei mala koꞌu reꞌe ka narane tuana.

Luku 14:5

Mae Jisas ne cheke eghu ka mare, “Jame mae thumu nalhaꞌu ba nou buluka iagho na snoꞌo ka kaisei glave te mamhara ka narane Sabat, ba, iagho ginauna na theome ghosei tei korho fajiflani?”

Luku 17:26

“Kate mei iara na, ginauna jateula teke eni ka narane gna mae Noa tifa ia eghu.

Luku 17:6

Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Luku 17:8

Theome tangomana! Iagho na cheke eghu ka mana, ‘Iagho tarabana ghegu gano iara, eghuteuna pipichi nou pohe na mala ofou ghau iara kate ima nei koꞌu teu iara gne. Kate gnafa ima iara na ame ghamu nei koꞌu eghu nga iagho eghu.’