Luku 17:6 - Buka Blahi Ka Cheke Holo

⁶ Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Luku 17:6 Iomraidhean Croise

Matiu 14:29

Mae Jisas ne cheke eghu ka mae Pita, “Mei!” Mae Pita jifla ka mola na ne funu nonolo ke tagru kholo na ne tei ka mae Jisas.

Matiu 17:20

Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Matiu 21:21

Mae Jisas ne cheke eghu ka mare, “Tutuani fara te chekeni iara ka ghotilo na. Te fatutuani ghotilo te theome ghatho peapea na, ghotilo ginauna tangomana te eni unha teke eni iara ka gaju igne. Eghuteuna ghotilo ginauna tangomana te edi glepo ke biꞌodi igrei. Ghotilo ginauna tangomana te cheke eghu ka thogele igne, ‘Kegra haghe tei krofu ka nhorora gno.’ Te fatutuani ghotilo na, thogele tuana na kegra tei krofu ka nhorora gno.

Nonomho Te Keli Teke Risoi Mae Mak 4:31

Uve, jateula sisi gaju mastad te joꞌu tahati ka nagare na ia eghu. Sisi gaju mastad igne thono iko lahu ka keha sisi kau nauthoglu igne.

Nonomho Te Keli Teke Risoi Mae Mak 9:23

Mae Jisas ne cheke eghu ka mana, “Uve, te toreni iagho ka iara na, glahula me tangomana iara te togho nigho na. Te chekeni iara ka iagho na. Mae ihei te fatutuani ni God na, gobigna lepore tangomana ngala ka mana.”

Luku 13:19

Uve, nakarha te funei frunini God na jateula sisi gaju mastad te ikoi fara te joꞌu kaisei mae ka nogna nagare na ia eghu. Kate kotu haghe sisi ikoi igne ginauna gaju biꞌo eghuteuna nanghajire ginauna mei horo nodi gnoku ka gregegnare.”

Luku 17:7

“Jame kaisei mae ka ghotilo au kaisei nogna mae gloku, mae mala joꞌu ba mae mala reireghi sipu. Kate pulo mei mae gloku na funugna ka nagare na, ba, iagho ginauna na chekeni mana mala mei ima nei koꞌu eghu ka vido tuana la?

Luku 19:4

Aonu, mana chari ulu ka naiknore ne tei apla ka gaju te kiloi sikamo mala filoni mae Jisas te liu jare na.

Luku 7:13

Mae Jisas ne filoni naꞌa ne kokhoni nogna ni. Mana ne tei ka naꞌa ne cheke eghu, “Naikno biꞌo, thosei tanhi.”

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.