Luku 17:16 - Buka Blahi Ka Cheke Holo

¹⁶ Mana mei ne tuturupuku ke ulugna mae Jisas ne tegio ka mana. Mae igne theome mae Jiu, nu mae gna Samaria.

Luku 17:16 Iomraidhean Croise

Jenesis 17:3

Mae Ebram ne pogho soru pari, eghuteuna God ne cheke eghu ka mana,

Matiu 10:5

Ka narane te kuru fajifladi mana nabotho phei nogna mae fanomhore, mae Jisas ne cheke eghu ranghidi mala edi mare glepo igre, “Ghotilo thosei tei ka nohi te theome au mae Jiu nei ka namonodi mae Samaria.

Matiu 2:11

Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Nonomho Te Keli Teke Risoi Mae Mak 5:33

Naikno biꞌo na laseni te kela keli fapulo na. Eghuteuna naꞌa mei ne tuturupuku ke ulugna mae Jisas. Naꞌa mhaghu fara balu fififri. Aonu naꞌa ne toutonudi ka mana unha teke eni ka naꞌa na.

Luku 17:17

Mae Jisas ne ghusna eghu ka mana, “Neke nabotho mae si teke salhu ra, aheva si keha nhevai ra?

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Jone 4:9

Gaꞌase na ne cheke eghu ka mana, “Sei, iara jaglo nogu ka iagho te tore khoꞌu ka iara gne. Iagho maemu Jiu eghuteuna iara gne gaꞌase gu Samaria. Naugna unha site tore khoꞌu iagho ka iara gnea?” Mae Jiure theome fofodu ka mae Samaria re.

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Jone 8:48

Hatimare mae Jiu ne cheke eghu ka mana, “Tutuani fara te chekeni ghehati ka iagho na, iagho theome mae Jiu nu iagho maemu ka namono Samaria, eghuteuna kaisei naitu au ke lamnamu iagho. Ba, theome doglo si cheke te edi ghehati grea?”

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Ululahu Korin 14:25

eghuteuna glepo te poru ka nagnafagna mana re ginauna thakle. Mana ginauna tuturupuku soru mala kilo fnaknoni God, eghuteuna mana ginauna cheke eghu, “Tutuani fara, God na au balumi ghotilo!”

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,

Thakle 5:14

Aonu ka vido tuana fati glepo te karha igre ne cheke eghu, “Amen!” Eghuteuna hatimare mae biꞌo ka khiloaure turupuku ne pogho soru ka phiamare.