Luku 16:8 - Buka Blahi Ka Cheke Holo

⁸ “Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Luku 16:8 Iomraidhean Croise

Jenesis 3:1

Lord God neke vuavuha gobigna lepo te gnafa te tautagu ka namhata na igre, eghuteuna jare na theo kaisei glepo ka teke vuavuha mana igre te lalase fara te uluni nogna glalase mogo na, ka puhi te cheke famaemahe na. Kaisei narane mogo na ne mei ghusna eghu ka gaꞌase na, “Ba, God gne neke lhoti ghami ghopa tutuani si te mala thosei ghamu ghopa kaisei sisi gna gaju te au ka nagare ignea?”

Fapea Samuel 13:3

Nu mae Amnon au kaisei mae kheragna fofodu, nanghagna na, mae Jonadab. Mae igne thugna mae Simea thabusigna mae Devet.

Fapea Kings 10:19

Ghotilo kilo meidi nogna mae profet te gnafa nei mae pris te gnafa teu Baal ra mala mei filo ghau iara, eghuteuna naikno te pogho soru ka Baal ra mala jaola mei. Iara ginauna na eni kaisei fafara biꞌo ka Baal, eghuteuna ihei te theome mei na, iara ginauna faleheni mana.” Nu mae Jehu chaghidi mare, naugna mana ghaoghatho mala aknu falehe gnafa naikno te pogho soru ka Baal.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Eksodas 1:10

Tahati na hironi kaisei puhi mala fakhusudi mare, glahu goigoni ghita mare. Jame te eghu tahati na, kate thoke mei magra na, mare ginauna loku fodu baludi noda naoka tahati gre mala magra ka tahati eghuteuna mare ginauna ulu ghita, eghuteuna mare ginauna nake khotogna noda namono tahati igne.”

Proveb 12:8

Naiknore pala hagheni nanghagna mae ihei te autagna gaoghatho te keli na. Nu cheke faparini mae ihei te autagna gaoghatho te diꞌa na.

Matiu 12:32

Nu ihei te cheke fadiꞌa ghau iara mae teke mei funu ka God na, God ginauna tangomana te hata fadeleidi nakhibogna mana re. Nu ihei te cheke fadiꞌani mae Tharunga te Blahi na, God ginauna theome hata fadeleidi nakhibogna mana re, kau nauthoglu gognaro gne ba nathuꞌu nauriha na.

Matiu 17:26

Mae Pita ne cheke eghu, “Uve, mare salo ka keha naiknoi.” Mae Jisas ne cheke eghu, “Tuana gaoghathogna na, hatimare khulumono gre, mare theome foli takis kolho.

Luku 16:10

“Mae ihei te loku fakeli ka glepo te ikoi na, mana jaola na loku fakeli ka glepo te biꞌo na. Eghuteuna mae ihei te theome loku fakeli ka glepo te ikoi na, mana eghu la na theome loku fakeli ka glepo te biꞌo na.

Luku 16:4

Uve, iara lasenihi unha nate tarabana eigu thegu kate fagnafa ghau mare ka nogu gloku na. Iara ginauna au kheragu kmana te mala taji ghau ka nodi sugare.’

Luku 16:7

“Gnafa teuna mana jaola ne cheke eghu ka keha mae na, ‘Iagho ba, nihai teke kaoni iagho re?’ “Mana ne cheke eghu, ‘Kaisei thogha khara'o sopho.’ “Mae funei na ne cheke eghu, ‘Igne nou kaoni iagho na, hata riso soru nhana gobi khara'o kolho.’

Luku 18:6

Gnafa teuna, mae Jisas ne cheke eghu ka mare, “Ghotilo la nomhinihi unha te chekeni mae mala fate ia, neuba mana ne theome doglo puhigna na.

Luku 20:34

Mae Jisas ne cheke eghu ka mare, “Tholaghi gne maladi kolho iheire te au teu ka nauthoglu igne.

Luku 20:35

Eghuteuna te mala au ka nauthoglu majaghani na, nalhaꞌu ba gaꞌase te nabadi ka karha fapulo ka glehere, mare ginauna theome tolaghi jare.

Jone 12:36

Eghume, fatutuani ni si ghotilo naphae gne kani au ngau naphae gne balumi ghotilo, mala nogna naikno naphae ghotilo.” Ke leghugna te chekedi mana glepo igre mana jifla ne porudi mare.

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Ululahu Tesalonika 5:5

Ghotilo hui nogna naikno naphae. Ghotilo nogna naikno narane. Tutuani tahati theome nogna bongi ba gromno.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.