Luku 16:25 - Buka Blahi Ka Cheke Holo

²⁵ “Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Luku 16:25 Iomraidhean Croise

Thoutonu Eigna Mae Job 22:18

Neubane eghu, God tusu ranghidi gobigna lepo te keli ka naikno te diꞌa igre. Nu iara tirogudi nodi gaoghatho mare igre.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Nodi Khoje Hatimare Mae Jiu 49:11

Neubane khotodi mana namhata nei glose teugre, beku na ngala namonogna mana te mala au fabrahu mana te tifa te tifa na. Neubane fnakno mana nanghagna na, tuana theome mala fanograni mana kau glehe. Theo. Mana ginauna lehe jateula bosu eghu kolho.

Nodi Khoje Hatimare Mae Jiu 73:7

Leuleghu fata na, glepo te diꞌa na ngala te jifla mei ka gaoghathodire, eghuteuna leuleghu fata na nagnafadire fodu kolho ka majora.

Lamentations 1:7

Jerusalem gognarona thofno diꞌa parilahu, eghuteuna naiknore neke ghatho fapulodi nakarha te keli nei dedei fara teku tifa re. Kate mei naoka te uluni namono biꞌo Jerusalem igne, theo kaisei naikno nate toghoni na. Kate filoni igne, mae naoka gre ne maꞌeni, naugna namono igne la groꞌehi.

Profet Daniel 5:30

Nu ka bongi igne la, maedi Media mei ne faleheni mae Belsasa, king gna Babilonia.

Matiu 27:63

Mare ne cheke eghu ka mana, “Mae biꞌo, ghehati kela ghathoni teke cheke eghu mae te chaichaghi ia kani karha tekeu mana ia, ‘Iara ginauna nake karha fapulo ka fatilo narane na.’

Nonomho Te Keli Teke Risoi Mae Mak 9:45

Eghuteuna jame ghahemu iagho na batu fadiꞌa nigho ka nakhibo, kusu koko! Te keli na te kaisei ghahe kolho te hata iagho karha fei tifa na. Naugna theome keli te kafe au teu phei ghahemure te tei iagho Gehena na.

Luku 16:20

Ka vido tuana au la kaisei mae te thono kuma fara, nanghagna na mae Lasaros, thinigna na thafru ka thubu. Leuleghu fata na mana mei gnokro koba ka grengathagna nogna suga mae te dedei na.

Luku 16:23

Nu God ne kuruni mae te dedei ne tei ka vido aheva te au naikno te lehere ne au papara fara jare. Mae dedei ne filo gaꞌuni mae Ebraham balugna mae Lasaros.

Luku 16:26

Theome tuana kolho, naugna jare farihoteida na au kaisei gloha mamhara te fanogra ghita na. Eghume ninhigrana fara kaisei naikno te funu ka ghehati te ari jare ka ghotilo na, eghuteuna theome tangomana la kaisei naikno ka ghotilo te kasa mei agne ka ghehati na.’

Luku 6:24

“Puhi biꞌo ka ghotilo naikno te dedei fara gognaro gre! Naugna ghotilo la gnafahi nomi narane te mala gleale'a na.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Letas Teke Riso Tei Mae Pol Ka Khiloau Rom 8:7

Naugna mae te ghathoni fara puhi te diꞌa na, mana nogna naoka God. Mana theome leghuni nogna vetula God na, eigna mana theome tangomana te eni igne na.

Diutronomi 28:17

“Ghotilo ginauna theo nagare wit te mala ei bret na.

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Ululahu Tesalonika 3:3

Ghehati kuru arini mana mala theo kaisei ka ghotilo te figri fapulo ka nogna fatutuani na eidi naꞌau papara gognaro gre. Eigna ghotilo themi lasedi nafnata naꞌau papara igre u gaoghathogna God malada tahati.

Hibru 11:25

Nu mana magnahaghei te au papara baludi nogna naikno God nei theome gleꞌani katha vido kmoꞌei puhi te diꞌa na.

Ululahu Jone 2:15

Thosei namhani puhigna nauthoglu igne ba glepo gna nauthoglu igne. Jame ihei te namhani puhigna nauthoglu na, nogna namha Mama na theome au ka mana.

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.