Luku 16:22 - Buka Blahi Ka Cheke Holo

²² “Leghu lahu na mae Lasaros ne lehe. Eghuteuna engel re palani mana ne tei mala gnokro rhegna mae Ebraham kligna. Mae dedei na jaola lehe ne giugilu.

Luku 16:22 Iomraidhean Croise

Thoutonu Eigna Mae Job 21:13

Naiknore glealeꞌa nodi kolho, eghuteuna mare theome diꞌanagnafa kate soru ka beku na.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Eklesiasti 8:10

Iara filoni kaisei glepo te theome keli ka nauthoglu igne: Kate lehe mae te diꞌa na mare giugiluni mana ka beku te keli, eghuteuna hata fajiflani mana ka vido te blahi na mala tei giugiluni. Eghuteuna naiknogna namono biꞌo teke edi mana puhi te diꞌa igre, mare ne fafnaknoni mana jateula kaisei mae te keli ra neu. Puhi igne jaola theo nafugna.

Profet Isaia 14:18

“Kate lehe kaisei king na, mare giugiluni mana balu nodi famane glepo te keli ke lamna beku.

Profet Isaia 22:16

‘Ghema Sebna! Iagho theo glosemu nei vikemu eghu agne. Naugna unha sagho te chekedi mae igre te jou kaisei khora lamna thina rhegna thogele ignea, eghuteuna tarabana kaisei vido mala giugilu nigho tagna? Mae ihei teke snakreni ka iagho te mala khotogna vido glose igne?

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Matiu 24:31

Ka naoglagna khufli te inge igne, iara ginauna kurudi nogu engel re mala tei ke maghati, nei ke mosu, nei ke raru, nei ke mata. Mare ginauna salo fodu naikno teke kulu vavahi God Mama heva heva ka nauthoglu igne.”

Matiu 8:11

Nu te chekeni iara ka ghotilo na, kmana naikno ginauna na mei funudi ke maghati ba ke mosu mala gleale'a balugna mae Ebraham, mae Isak nei mae Jekop kau nogna nauthoglu majaghani God na.

Nonomho Te Keli Teke Risoi Mae Mak 8:36

Jame kaisei naikno snori nogna fara ka gobigna lepo gna nauthoglu igne, eghuteuna nakarha na jifla kokoni mana, ba, glepo tuare na toghoni mana? Theo fara!

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Luku 16:21

Mana magnahaghe te ghamu ka vido gano te khoko soru ka tevo mae te dedei na. Eghuteuna khumare mei koba mala lapi thubu mana re.

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Jone 13:23

Kaisei mae fanomho te namhani fara mae Jisas na ne gnokro rhegna mae Jisas.

Jone 21:20

Mae Pita figri ne filoni mae fanomho te namhani fara mae Jisas te mei ke leghudi phiamare na. Mana kaisei mae teke gnokro rhegna mae Jisas ka teke ghamu mare Gaghamu Ghasa-Polho na teke ghusna eghu ka mana ia, “Lord, mae ihei si nate majora nigho iagho na ia?”

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Jemes 1:11

Kate haghe naprai na, ginauna na brana e brana. Eghuteuna gaju tuare ginauna na brango ka nabrana gna naprai na, aonu chechenge gaju teke famane khuakhuda tuare ginauna na ghoꞌe khoko soru lehe. Na jateula tuana eghu mae ihei te dedei na. Kate loku teuna mana ginauna lehe kokodi nogna dedeire.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”