Luku 16:13 - Buka Blahi Ka Cheke Holo

¹³ “Theo kaisei naikno te loku ranghidi phei mae funei. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Jateula tuana eghu, iagho theome tangomana te loku ranghidi God ghe sileni jateula phei nou funei teuna.”

Luku 16:13 Iomraidhean Croise

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Luku 11:23

“Tutuani, mae ihei te theome leghu ghau iara na, mana tirogna ghau iara. Eghuteuna mae ihei te tirogna togho ghau iara te mala hata meidi naiknore ka God na, mana jateula te brue fadeleidi eghu naiknore ka God.”

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Luku 16:12

Eghuteuna te theome ronu nigho mare te mala reireghidi nogna glepo keha mae na, God ginauna theome tusu ranghi nigho kaisei glepo malamu themu te mala reireghi na.

Luku 16:9

Mae Jisas ne cheke eghu, “Eghume, te chekeni iara ka ghotilo na. Kate loku eigna ghotilo glepo gna nauthoglu igne, ghotilo mala toghodi keha naiknore. Theome malami themi kolho. Eghuteuna kate gnafa glepo igre, mare ginauna nake hati ghami ka namono te theo ka huigna.

Luku 9:50

Mae Jisas ne cheke eghu ka mana, “Ghotilo thosei lhotini mana, naugna mae ihei te theome kegra fanogra ghami ghotilo na, mana kherami ghotilo.”

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”