Luku 16:12 - Buka Blahi Ka Cheke Holo

¹² Eghuteuna te theome ronu nigho mare te mala reireghidi nogna glepo keha mae na, God ginauna theome tusu ranghi nigho kaisei glepo malamu themu te mala reireghi na.

Luku 16:12 Iomraidhean Croise

Thoutonu Eigna Mae Job 1:21

Mana ne cheke eghu, “Kate karha mei ka thiꞌagna idogu na, iara karha soesole, eghuteuna kate lehegu na, iara ginauna jaola nake soesole ke pulo. Lord, iagho neke tusu mei glepo ka iara, eghuteuna gognaro na iagho ke hata fadelei ka iara. Iara cheke fakelini nanghagna Lord.”

Profet Hosia 2:8

Nu naꞌa theome lasedi gano, nei oel, nei waen, eghu te hata naꞌa are neke tufa iara ka naꞌa. Eghuteuna silva, nei gol teu te lalaoni naꞌa are jaola neke tufa iara ka naꞌa. Naꞌa theome laseni kolho silva nei gol eghu te lalaoni naꞌa te tarai ka mumuju Baal igre, iara teke tufa ka naꞌa re.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Luku 16:11

Eghume te theome ronu nigho mare te mala reireghidi dedei gna nauthoglu igne na, God ginauna na theome ronu nigho la ka thofno dedei te tutuani na.

Luku 16:13

“Theo kaisei naikno te loku ranghidi phei mae funei. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Jateula tuana eghu, iagho theome tangomana te loku ranghidi God ghe sileni jateula phei nou funei teuna.”