Luku 15:5 - Buka Blahi Ka Cheke Holo

^5-6 Eghuteuna kate filo deni na mana na gleale'a fara na pala haghe ka fafragna na pala nake pulo ka suga na. Mana na kilodi kheragnare na cheke eghu, ‘Gleale'a balugu iara, iara kela filo deni nogu sipu teke dofi ia.’

Luku 15:5 Iomraidhean Croise

Profet Isaia 62:12

Ka narane igne, naiknore ginauna kilo ghami ghotilo, “Nogna naikno blahi God” nei “Naikno teke atha fapulo Lord ka namono igne.” Eghuteuna mare ginauna kiloni Jerusalem, “Namono te magnahagheni fara Lord,” nei “Namono aheva na teke pulo mei te au Lord tagna.”

Profet Isaia 62:5

Ghotilo ginauna atha nomi glose igne, jateula kaisei mae nalhaꞌu majaghani te atha kaisei gaꞌase majaghani te mala khetogna teura eghu. God ginauna na jateula tuana eghu na thofno kelitagna fara ka ghotilo.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Esikiel 18:23

Ba, iara Lord God kelitagu te filodi naikno te diꞌa gre te lehe na? Theo! Nu iara kelitagu te filodi teke figri leghu mare ka nakhibodi fateote'o mala ke karha.

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?

Profet Maeka 5:4

Kate biꞌo haghe mae sua igne, mana ginauna reireghi fakelidi nogna naiknore. Mana ginauna funei frunidi ka nogna nolaghi Lord teke tusu ranghini mana, eghuteuna mana ginauna funei ka nanghagna Lord mae ihei te King. Ka narane tuana, nogna naikno mana re ginauna au fakeli, naugna naikno te gnafa ka nauthoglu igne ginauna filo glani mana te au nolaghi biꞌo.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Profet Sefanaea 3:17

God, nomi Lord ghotilo na au balumi. Nogna nolaghi mana na ginauna togho ghami mala uluni ghotilo magra na. Lord ginauna kelitagna ka ghotilo, eghuteuna nogna namha na ginauna tusu ranghi ghami nakarha majaghani. Aonu mana ginauna koje jateula naikno te gleale'a te koje ka narane biꞌo ra eghu.”

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Luku 15:4

“Jame kaisei mae au nogna kaisei gobi sipu, eghuteuna dofi kaisei, na faneha eghu mana? Mana na lisa laodi nhevasalei nheva sipu are ka thogele na mala hironighu te snivi na.

Luku 19:9

Mae Jisas ne cheke eghu ka mana, “Gognarogne God ginauna fakarha nigho iagho nei naikno te gnafa te au ka sugamu gne! Naugna iagho kaisei mae neke karha la ka vikegna mae Ebraham.

Luku 23:43

Aonu, mae Jisas ne cheke eghu ka mana, “Tuani fara te chekeni iara ka iagho na, ka narane gognaro gne iagho balugu iara kligna.”

Jone 15:11

Iara chekeni igne ka ghotilo, mala keli tami ghotilo jateula ngau iara te keli tagu gne eghu. Eghuteuna iara magnahaghei ghami ghotilo te mala thofno keli tami fara.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Efesus 3:7

Ka nogna nolaghi, God neke tusu mei ka iara khokofakasai mala toutonuni u Nonomho te Keli igne. Tutuani, neubane iko lahu ngau iara ka nogna naikno God gre, God vahi ghau iara ka nogna khokofakasai na mala tei ka naikno te theome Jiu gre mala toutonuni Nonomho te Keli eidi nogna gloku te keli fara Kraes te theome naba tahati te lasedire.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Fapea Timoti 2:26

Eghuteuna kate keli fapulo gaoghathodire, mare ginauna na rikha kokoni mae Satan. Eigna mae Satan gognaro gne te loku famakudi, eghuteuna mana huhurudi mala edi glepo te magnahaghedi mana thegna re.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.