Luku 15:22 - Buka Blahi Ka Cheke Holo

²² “Nu mae kmagna na ne cheke eghu ranghidi nogna mae glokure, ‘Faghose! Hata mei pohe majaghani mala pipichi mana. Eghuteuna falao ring ka geghesugna na nei sadol ka thatablagna na.

Luku 15:22 Iomraidhean Croise

Jenesis 41:42

Aonu mae king ne hata koko u ring teke au ka gegesugna thegna na ne lisei lao ka gegesugna mae Josep na. U ring igne au nanghagna mae king. Mae king ne jaola ne fapipichi lao kaisei famane pohe ka mae Josep eghuteuna fa bao lao kaisei chen gol ka mana.

Nogna Buka Esta 3:10

Mae king ne hata koko ring balu nanghagna thegna te au ka geghesugna na ne tusu lao ka mae Haman, nodi naoka hatimare mae Jiu.

Nogna Buka Esta 8:2

King ne vahini mae Modikae te mala nogna mae Praeminista tughuni mae Haman. Eghuteuna mana ne hata ring te au nanghagna thegna teke hata fapulo ka mae Haman na ne nhaꞌa lao ka geghesu gna mae Modikae na. Eghuteuna Esta ne snakre lao ka mae Modikae gobigna lepo teke nogna mae Haman igre mala reireghi mana.

Nodi Khoje Hatimare Mae Jiu 132:16

Iara ginauna na fablahidi gobigna lepo te edi hatimare mae pris are. Naikno gna vido tuana ginauna koje nei eha fabiꞌo eghu, naugna mare ne glealeꞌa fara.

Nodi Khoje Hatimare Mae Jiu 132:9

Toghodi sagho nou mae pris are mala edi fabrahu koba mare puhi te doglore. Mala glealeꞌa nei eha fabiꞌo ame ghu nou naiknore eghu.”

Nodi Khoje Hatimare Mae Jiu 18:33

Mana fahetadi phei gahegu iara gre mala maku jateula ghahe nanigot eghu. Eghuteuna nogu naoka iara gre na filo ghau iara te theome uka iara kate tei ka phegu te ninhigrana na.

Nodi Khoje Hatimare Mae Jiu 45:13

Thugna gaꞌase king na la kulu auhi ka sugagna king, naꞌa kaisei famane gaꞌase fara. Naꞌa pipichi ka pohe teke susuki ka ghajo gol.

Famane Khoje 7:1

Kheraguo, iagho jateula thugna gaꞌase king eghu! Phei ghahemu baludi sadol igre famane fara. Grege ghahemu na thofno famane fara, jateula nogna gloku mae ihei te thofno lalase fara.

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Luku 15:21

“Mae thugna na ne cheke eghu, ‘Mama, iara la jafra ranghini God nei jafra ranghi nigho iagho. Iara theome nabagu te kilo ghau thumu.’

Luku 15:23

Hata mei buluka te blokha ia, mala falelehe mala ghamu fodu tahati balu gleale'a.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Galesia 3:27

Ghotilo kaisei balugna Kraes kate apublahi na, eghuteuna ghotilo la funu leghunihi puhigna Kraes na.

Efesus 6:15

Fahaghe sadol ka ghahemi are, igne puhi te mala tarabana fabrahu ghotilo mala toutonuni u Nonomho te Keli eigna pharikeli na.

Diutronomi 33:25

Ghotilo tangomana te au fakeli fabrahu naugna ghotilo tangomana te hata aean nei bras eghu mala horo grengathadi gringni thinagna nomi namono na mala maku fakeli. Eghuteuna nakarhami ghotilore ginauna rheta fabrahu leghu rane.”

Thakle 19:8

Mare la tusu laohi ka khupi na pohe keli mala pipichi naꞌa, te vegha nei siasigla fara teuna.” Gaoghathogna pohe te keli igne, glepo te doglo teke edi nogna naikno God re.

Thakle 2:17

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.

Thakle 6:11

Aonu mare ne tusu lao pohe vegha ka mae tharunga te gnafare, ne cheke eghu, “Ghotilo mala ofou katha vido kmoꞌei. Naikno khiloau te gnafa teke loku jateula ghotilo teu igre ginauna jaola na lehe jateula nomi mae naoka ghotilo teke falehe ghami ghotilo tifa ra eghu. Eghuteuna God ginauna nake foli fapulo ka mare nakarhami ghotilo te gnafare. Nu ulu lahu na ghotilo ofou ghilei kafe lehe naikno khiloau gre.”

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.