Luku 15:10 - Buka Blahi Ka Cheke Holo

¹⁰ Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Luku 15:10 Iomraidhean Croise

Profet Esikiel 18:23

Ba, iara Lord God kelitagu te filodi naikno te diꞌa gre te lehe na? Theo! Nu iara kelitagu te filodi teke figri leghu mare ka nakhibodi fateote'o mala ke karha.

Profet Esikiel 18:32

Iara Lord God theome magnahaghei te filoni te kafe lehe naiknore. Eghume, ghotilo thosei tapla jafra ka nakhibo mala karha!”

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?

Matiu 10:32

“Ihei te kegra ke uludi naiknore te chekeni ne fatutuani ghau iara teuna, iara ginauna cheke eigna mana ka mae Mama kligna, mana te nogu mae gloku iara na.

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Matiu 18:14

Jateula tuana eghu mae Kmami ghotilo te au kligna na. Mana theome magnahagheni kaisei ka sua igre te snivi ka nabrougna thofno nakarha te tutuani na.”

Luku 12:8

Mae Jisas ne cheke eghu, “Uve, te chekeni iara ka ghotilo na, jame kaisei mae kegra ke uludi keha naiknore eghuteuna cheke thakleni thegna te fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God re mae tuana te nogu iara na.

Luku 12:9

Nu ihei te kegra ke uludi keha naiknore te cheke thakleni thegna te theome fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God mae tuana te theome nogu iara na.

Luku 13:5

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.”

Luku 15:11

Aonu mae Jisas neke cheke eghu, “Kaisei mae au phei thugna.

Luku 15:7

Te chekeni iara na, jateula tuana eghu kligna na, naugna God nei hatimare mae engel kligna re ginauna na gleale'a ka mae ihei te hogri nagnafa na. Uve, nodi gleale'a mare balugna mana na ginauna uludi teke gleale'a fara mare baludi nhevasalei nheva naikno te keli te theome filo glanini gaoghathogna te mala hogri nagnafa na.”

Luku 15:9

Eghuteuna kate filo deni na, naꞌa nake kilo fodudi kheragna nei vikegna teure na cheke eghu, ‘Gleale'a balugu iara naugna iara kela filo deni sileni teke dofi ia.’

Luku 7:47

Uve, naikno biꞌo igne au kmana nakhibogna fara. Nu te chekeni iara ka iagho na, iara la hata fadeleihi nakhibognare. Naugna naꞌa ne namha ghau fara iara. Nu ihei te theome kmana nakhibogna te mala hata fadelei iara na, mana theome tangomana te namhadi fara keha naiknore.”

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,

Fapea Korin 7:10

Mae ihei te diꞌanagnafa leghuni u puhi te magnahagheni God na, mana tangomana te tughu nagnafa na, eghuteuna God tangomana te fakarhini mana na. Eghume tahati theome tangomana te diꞌa tada ka nafnata puhi tuana. Nu mae ihei te diꞌanagnafa leghuni nogna puhi naikno kolho na, mana tangomana te leheni na.

Filimon 1:15

Jame gaoghathogna te tei koko nigho mae Onesimasi katha vido kmoꞌei igne, God magnahaghe nigho iagho teke hata fapuloni mala au balumu fabrahu.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.