Luku 14:9 - Buka Blahi Ka Cheke Holo

⁹ Mana ginauna cheke eghu ka iagho, ‘Ghema kheraguo, iagho jifla ka sape igne mala ke mei gnokro mae igne.’ Aonu iagho ginauna mamaja nou fara kate tugha faleghu te gnokro ka sape leghu lahu na.

Luku 14:9 Iomraidhean Croise

Proveb 11:2

Naikno te pala hagheni nanghagna thegna na, ginauna thokeni mamaja biꞌo. Nu naikno te autagna gaoghatho te keli na nhaꞌa faparini thegna.

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Proveb 3:35

Naikno te au tagna gaoghatho te keli na ginauna fnakno nanghagna na. Nu naikno te fameomekro na ginauna fnakno ka nangha te diꞌa.

Luku 13:17

Kate cheke eghu mae Jisas na, mae teke buiburini mana re ne mamaja nodi fara. Eghuteuna naiknore ne kafe gleale'a fara ka glepo te keli teke edi mae Jisas re.

Luku 3:8

Koko si ghotilo puhimi te diꞌare mala jateula sisi te keli eghu ka nakarhami are fagaglana gna u nakarha majaghani na. Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te hohoro vikegna mae Ebraham ka thina te filodi ghotilo igre!