Luku 14:3 - Buka Blahi Ka Cheke Holo

³ Hatimare mae Farasi nei hatimare mae velepuhigna vetula nogna mae Moses eghu ne aula jare. Aonu mae Jisas ne kulu ghusna eghu ka mare, “Ba, vetula na snakre ghita tahati te mala fakeli naikno te fogra ka narane Sabat ba theo?”

Luku 14:3 Iomraidhean Croise

Matiu 12:10

Eghuteuna jare ka suga tharai na au kaisei mae te lehe khamegna na. Eghuteuna mare magnahaghei te fathoethokeni mae Jisas ne mei cheke eghu ka mana, “Ba, vetula na snakre ghita tahati site fakarhani naikno te fogra na ka narane Sabat na?”

Matiu 12:2

Hatimare mae Farasi filoni igne ne cheke eghu ka mae Jisas, “Ghema, filo sagho ka nou mae fanomho are, mare loku kau narane Sabat. Nu narane igne thono blahi fara ka noda vetula tahati mae Jiu gre!”

Matiu 22:35

Aonu kaisei mae ka hatimare mae Farasi, mana laseni fara nogna vetula mae Moses. Mana mei ne saosagroni mae Jisas ne ghusna eghu ka mana, “Velepuhi, vetula aheva gne te biꞌo tulao ka nogna vetula mae Moses igre?”

Nonomho Te Keli Teke Risoi Mae Mak 3:4

Mae Jisas ne ghusna eghu ka naiknore, “Ba, unha gne te snakreni ka vetula na te mala eni tahati kau narane Sabat na? Snakre ghita tahati mala toghoni naikno na ba mala fadiꞌani naikno? Mala fakarhani naikno na ba lisa laoni mala lehe naikno na?” Nu mare ne theome chekeni kaisei glepo.

Luku 14:2

Naugna kaisei mae te huge phei khamegna nei phei ghahegna teure ne mei ka mae Jisas.

Luku 14:4

Nu mare ne theome cheke tughu kolho ka mana. Aonu mae Jisas ne habo ka mae te fogra na neke keli fapulo neke snakre teini.

Luku 6:9

Mae Jisas ne ghusna eghu ka hatimare mae Farasi nei mae velepuhigna vetula nogna mae Moses, “Ba, unha gne te snakreni ka vetula na te mala eni tahati kau narane Sabat na? Snakre ghita tahati mala toghoni naikno, ba mala fadiꞌani naikno? Mala fakarhani naikno ba lisa laoni mala lehe naikno na?”

Jone 7:23

Te mala leghuni nogna vetula mae Moses na ghotilo tohi fagaglana sua nalhaꞌu na ka fahanagna narane na. Te khale kau narane Sabat fahanagna u narane na ghotilo ginauna eni tohi fagaglana na kau narane tuana. Naugna unha site diꞌatami ghotilo ka iara kate fakelini iara thinigna thongana kaisei mae kau narane Sabat gnea?