Luku 14:21 - Buka Blahi Ka Cheke Holo

²¹ “Kate ke pulo mei mae gloku na teke toutonu gobigna lepo igre ka nogna mae funei na, nogna mae funei na ne diꞌatagna fara. Eghuteuna mana ne cheke eghu ka nogna mae gloku na, ‘Ghosei tei ka nabrou biꞌo ba nabrou ikodi gna namono gne, mala hata mei ka gaghamu gne iheire te kuma, iheire te dofu, ba iheire te blughu.’ Aonu, mae gloku na ne leghuni nogna mae funei na.

Luku 14:21 Iomraidhean Croise

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 38:7

Kate fagrutu biꞌo te brana jateula khaꞌaghi teu thinigu na, iara ne namo lehe nogu ngala.

Profet Isaia 33:23

Gognarona ghotilo naikno te au Juda ra, ghotilo jateula kaisei vaka te diꞌa phukrigna re te theome loku famaku ka khegragna ra eghu. Eghuteuna selogna re jaola blogho kolho. Nu kate thoke mei narane na, ghotilo ginauna hata kmana glepo te keli ka mae naoka. Eghuteuna neuba mae te blughu ghahegna na, mae igne ginauna jaola hata nogna glepo te keli.

Profet Isaia 35:6

Naikno te lehe ghahedi ra, ginauna nake ghasa jateula deer eghu. Eghuteuna iheire te iho cheke ra, ginauna na glealeꞌa nake eha fabiꞌo. Glokha nei khoꞌu biꞌo teura ginauna loloro ke lamna namono nagou.

Profet Jeremaea 5:1

Lord ne cheke eghu, “Ghotilo chari tafri ka nabrou biꞌo nei ka glalaba te gnafa ka namono biꞌo Jerusalem. Jame te filoni ghotilo kaisei mae te lase cheke tutuani nei eni unha puhi te doglo teuna, iara ginauna atha fadelei nakhibomi ghotilore.

Profet Sekaraea 11:11

Eghuteuna ka kaisei narane tuana la, nhaꞌa cheke igne gnafahi. Kate edi iara glepo igre, mae te foli nei sabiri sipu teu igre filoni nei laseni eghu chekegna Lord igne.

Profet Sekaraea 11:7

Eghume iara eni unha te chekeni Lord ka iara na. Iheire te foli sipu nei mae te sabiri teu igre, mare foli ghau iara mala reireghidi sipu tela vavahi hila naiknore nate ghamu igre. Aonu iara atha phei khodo mala reireghi sipu. Kaisei na iara kiloni “Namha” eghuteuna keha na “Loku fodu” eghuteuna iara na reireghidi fabrahu.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Matiu 15:12

Aonu, nogna mae fanomhore mei rhegna mana ne cheke eghu, “Ghema, mae Farasi gre ne diꞌa tadi ka unha te chekedi iagho ra.”

Matiu 18:31

Keha nogna mae gloku mae funei igre, filoni unha te eni mana ka keha mae gloku na. Mare jaglo nodi fara ne diꞌanagnafani mae kheradi na. Mare tei ne cheke ka nodi mae funei na unha te eni ka vido tuana.

Matiu 20:7

“Mare ne cheke eghu ka mana, ‘Naugna theo kaisei mae te foli ghami ghehati na.’ “Aonu mana ne cheke eghu ka mare, ‘Keli fara, ghotilo jaola tei loku ka nogu nagare iara na.’

Luku 14:13

Nu kate ei gaghamu na, iagho tore meidi kolho naikno te kuma, naikno te blughu, naikno te dofu nei keha naikno te diꞌa thinidire.

Luku 14:20

“Keha mae na ne cheke eghu, ‘Iara gne neke tolaghi la, eghume, iara gne theome tangomana te ari na.’

Luku 14:22

“Kate ke pulo mei mae gloku na, mana ne cheke eghu, ‘Mae funei, unha te chekedi iagho mala edi iara teku ra iara la edihi, nu kmana vido kroghau lamna suga na.’

Luku 14:24

Te chekeni iara ka ghotilo na, ginauna theo kaisei naikno ka teke kulu toredi iara igre nate mei ghamu ka nogu gaghamu iara na.’ ”

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Luku 9:10

Kate gnafa nodi gloku na, mae khurure neke pulo mei ka mae Jisas. Mare ne toutonu ka mana gobigna lepo teke edi mare re. Ke leghugna igne, mare ne tei balugna mae Jisas ka kaisei namono te kiloi Betsaeda. Mare ne tei au thedi jare.

Jone 9:39

Mae Jisas ne cheke eghu, “Iara mei ka nauthoglu igne mala fatakle nakhibodi naiknore. Nu tathadi naikno teke dofure ke fifilo, eghuteuna naikno ne fifilohi thedi teure nake dofu.”

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Ululahu Samuel 25:12

Aonu mae majaghani igre figri neke pulo ka mae Devet ne toutonu ka mana nafnata cheke te edi mae Nabal igre.