Luku 14:11 - Buka Blahi Ka Cheke Holo

¹¹ Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Luku 14:11 Iomraidhean Croise

Fapea Samuel 22:28

Iagho fakarhidi iheire te au faparidi thedi, nu iagho nhaꞌa faparidi iheire te fahaehaghe fara.

Nogna Buka Esta 6:10

Mae King ne cheke eghu ka mae Haman, “Iagho faghosei tei hata mei nogu pohe brahu iara ia, eghuteuna hata mei nogu hose iara ia eghu! Iagho edi glepo igre ka mae Modikae, maegna Juda igne. Mae igne loku au agne. Iagho mala edi glepo igre, jateula te chekedi iara ka iagho igre eghu. Iagho thosei ghatho ihodi gobigna lepo kate chekedi iagho ra.”

Thoutonu Eigna Mae Job 22:29

Iagho laseni, kate khoko pari naikno igre ka nakarhadi re, eghuteuna iagho cheke eghu ka God, ‘Toghodi mare,’ God tangomana nate fakarhidi re.

Nodi Khoje Hatimare Mae Jiu 138:6

Neuba iagho ne fnakno fara, iagho reireghidi koba iheire te au faparadi thedire. Nu naikno te fahaehaghedi thedire theome tangomana te poru ka iagho na.

Nodi Khoje Hatimare Mae Jiu 18:27

Iagho lisei haghedi iheire te nhaꞌa faparidi thedi. Nu iagho ke nhaꞌa faparidi iheire te nhaꞌa fahaghedi thedi.

Proveb 15:33

Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Proveb 18:12

Jame mae te fahaehaghe te pala hagheni nanghagna thegna, ke leghu na ginauna krofu pari. Iagho theome naba te hata nangha biꞌo na jame te theome kulu nhaꞌa fapari nigho themu na.

Proveb 25:27

Theome keli te koꞌu suka fara iagho na, theome keli iagho te fafnakno nigho themu na.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Profet Isaia 2:11

Ka narane igne, Lord ginauna nhaꞌa faparidi naikno te fahaehaghe are, eghuteuna naikno te gnafa igre ginauna ghatho tahuni Lord kolho.

Profet Isaia 2:17

Jateula puhi igne eghu, Lord ginauna tapla faparidi naikno te fahaehaghe. Eghuteuna mumuju god igre ginauna gnafa dofidi, eghuteuna naikno te gnafa gre ginauna ghatho tahuni Lord kolho.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Matiu 23:12

Mae ihei te fahaehagheni thegna na, God nake nhaꞌa faparini mana. Mae ihei te nhaꞌa faparini thegna na, God nake nhaꞌa hagheni mana.

Luku 1:51

Ka nogna nolaghi na, mana ne edi glepo te biꞌo re. Mana ne nhaꞌa faparidi naikno te fahaehaghe kau gaoghathodire.

Luku 1:52

Mana ne nhaꞌa sorudi mae funeire ka nodi sape nafnaknore, eghuteuna ke nhaꞌa haghedi mae iheire teke nhaꞌa faparidi thedire.

Luku 14:12

Ke leghugna igne, mae Jisas ne cheke eghu ka mae teke tore meini mana ka gaghamu na, “Kate ei gaghamu biꞌo iagho na, thosei tore meidi kheramu themu, ba thabusimu themu, ba vikemu themu, ba mae ihei te dedei te au rhemu themu. Naugna keha fatare mare ginauna nake tore nigho iagho mala ke ghamu baludi. Nu neuba mare nake tughu fapulo ka iagho ginauna, God thegna ginauna nake theome tughu fapulo ka iagho.

Luku 18:14

Mae Jisas ne cheke eghu ka mare, “Te chekeni iara ka ghotilo na. Mae te diꞌa igne kate ke pulo ka suga na, mana ne thono doglo fara ke ulugna God, eghuteuna mae Farasi gne ne theo kolho. Eghume mae ihei te fahaehagheni thegna na, God ginauna nake nhaꞌa faparini mana, nu mae ihei te nhaꞌa faparini thegna na God ginauna nake nhaꞌa fahagheni mana.”

Jemes 1:9

Naikno khiloau te kuma ka nauthoglu gne, mana keli tagna kolho. Naugna neuba ngau God ginauna na nhaꞌa hagheni mana nei tusu ranghini mana dedei gna kligna.

Jemes 4:10

Nhaꞌa fapari ghami themi ke ulugna God eghuteuna God ginauna nake nhaꞌa haghe ghami ghotilo.

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Ululahu Pita 5:6

Eghume ghotilo nhaꞌa fapari ghami themi mala au ke pari khamegna God te nolaghi fara. Kate thoke mei thofno narane na, mana ginauna na nhaꞌa haghe ghami ghotilo.

Ululahu Samuel 15:17

Mae Samuel ne cheke eghu, “Tifa na, iagho jame neke kaisei fiti mae kolho neku ka gaoghathomu na, nu gognarona iagho nodi mae mala baubatu vikegna Israel. Eigna Lord neke fablahi nigho iagho mala nodi king maedi Israel.