Luku 13:4 - Buka Blahi Ka Cheke Holo

⁴ Ba, eidi nabotho nhana naikno teke lehe ka suga brahu Siloam na kate grofo ke klignadi ira ba? Ba, naikno igre jafra fara ke tulaodi keha naiknodi Jerusalem gre sia?

Luku 13:4 Iomraidhean Croise

Ululahu Kings 20:30

Eghuteuna keha soldia di Siria te karha teura ne kafe rikha ne tei ka namono Afek. Nu gringni thinagna namono na ne grofo soru ne lehe keha varadaki fitu thogha ka mare. Eghuteuna King Ben-Hadad ne jaola ne rikha ne tei lamna namono biꞌo ne tei poru ka kaisei suga.

Nehemaea 3:15

Mae Salum thugna mae Kolose, mae ihei te mae biꞌo ka nohi Mispa, mana neke babana fapulo Grengatha Glokha khoꞌu igne. Mana ghaghata ke kligna gna, eghuteuna famaku lao phei bobotho biꞌo, eghuteuna mare jaola lilisei aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho ka grengatha igne. Mana jaola babana fapulo gringni thina lithuini Kholo Siloa, rhegna nogna nagare king. Eghuteuna mana loku keha vido ka gringni thina te tei posani lada biꞌo te soru funu ka nogna namono biꞌo King Devet tifa.

Thoutonu Eigna Mae Job 1:19

kaisei nuri biꞌo ne mei funugna ka namono nagou na, eghuteuna suga na grofo pari ne kafe lehe naikno au teku ke lamnagna suga igne. Iara thegu kolho rikha te mei cheke ka iagho na.”

Profet Isaia 8:6

“Filo sagho! Naikno igre theome magnahaghei ghau iara. Nu iara jateula khoꞌu gna Siloa te famane loloro ia eghu. Mare theome magnahagheni puhigu iara na, naugna mare keli tadi fara ka mae King Resin gna Damaskas ghe mae King Peka gna Samaria.

Matiu 18:24

Ka narane te funu eni mana igne, hatimare hata ne mei kaisei nogna mae gloku mana teke kaoni ka mana mola mola dola.

Matiu 6:12

Hata fadeleidi tami thua glepo te diꞌa te kela fajafra dihi jateula ngau ghehati te hata fadeleidi unha najafra teke edi fadiꞌa ranghi ghami keha naiknore.

Luku 11:4

Hata fadeleidi tami nakhibomi gre, eigna ghehati mala jaola hata fadelei nakhibodi iheire te fadiꞌa ranghi ghami. Thosei snakreni kaisei glepo mala mei fariuriu ghami.’ ”

Luku 13:3

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.

Luku 13:5

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.”

Jone 9:11

Mana ne cheke eghu ka mare, “Mae te kiloi Jisas na neke eꞌei keha chopu neke muki ka tathagu iara re. Aonu mana cheke ghau iara neke tei dadalu ka kholo te kiloi Siloam. Aonu, iara tei ne dadalu phei tathagure, neke ghosei neke fifilo fapulo.”

Jone 9:7

Aonu, mae Jisas ne cheke eghu ka mae te dofu na, “Tei dadalu tathamure ka kholo seu te kiloi Siloam.” Gaoghathogna Siloam gne “Kuru tei”. Aonu mana tei ka Kholo Siloam na ne dadalu phia tathagnare. Kate ke pulo mei ka sugagna na, mana tangomana teke fifilo na.

Mae Khuru 28:4

Kate filoni phanaga te piri ghuali ka khamegna mae Pol na, naiknogna moumolu na ne cheke eghu fari thedi, “Tore! Mae igne jame kaisei mae mala faghoreho naikno signe! Neubane ne rikha ngau mana ka nhorora na ne karha ne mei thoke agne, nu god mae te kiloi ‘Foli Fapulo’ na theome snakreni mana te karha na.”