Luku 13:35 - Buka Blahi Ka Cheke Holo

³⁵ Eghume gognarona God ginauna tei kokoni nomi namono ghotilo gne mala nagou. Te chekeni iara ka ghotilo na, ghotilo ginauna theome filo ghau iara ghilei thokeni narane te mala meigu iara na, eghuteuna ghotilo ginauna kafe cheke eghu, ‘God fablahini mana te mei ka nanghagna Lord!’ ”

Luku 13:35 Iomraidhean Croise

Nodi Khoje Hatimare Mae Jiu 118:26

God fablahini mae king mae ihei te mei ka nanghagna Lord, eghuteuna ghehati mae pris gna nogna Sugablahi Lord na ginauna fablahi ghami ghotilo.

Nodi Khoje Hatimare Mae Jiu 69:25

Falehedi gnafa sagho mala theo kaisei naikno te karha teu ka nogna suga tapuale na.

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Profet Jeremaea 22:5

Nu jame te theome leghuni ghotilo nogu cheke iara igre na, tutuani fara, iara ginauna goigoni ni fara suga biꞌo igne.’ ”

Profet Jeremaea 35:17

“Eghume, iara Lord God mae ihei te au nolaghi fateote'o, nodi God mae Israel. Te chekeni iara ka ghotilo na, ‘Jame te tiromi leghu ghau iara ghotilo na, iara ginauna atha mei puhi biꞌo mala thoke ghami ghotilo. Nu kate cheke iara ka ghotilo na, ghotilo tiromi fanomho. Eghuteuna kate kilo ghami iara na, ghotilo tiromi cheke tughu ka iara. Naugna igne, iara ginauna atha mei puhi biꞌo mala thoke mei ka ghotilo Jerusalem nei Juda.’ ”

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Luku 19:41

Kate mei namo te filo laoni Jerusalem, mae Jisas ne kokhoni nognadi naiknogna namono tuana ne tanhi.

Luku 21:24

Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Jone 12:13

Eghume, mare ne tei pulei grege thubo mala tei thafoni mana ka nabrou na. Aonu, mare ne gleale'a fara kate filoni te mei mae Jisas na ne thagru eghu fabiꞌo, “Hosanna! Kilo fnaknoni God!” “God fablahini mana te mei ka nanghagna Lord!” “God fablahini nodi King mae Israel!”