Luku 13:3 - Buka Blahi Ka Cheke Holo

³ Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.

Luku 13:3 Iomraidhean Croise

Matiu 12:45

Eghuteuna naitu na tei ne hata mei keha fitu naitu te thono diꞌa fara ke tulao gna thegnai. Mare tei ne au ke lamnagna naikno na jare. Eghuteuna gognarona nakarhagna naikno tuana thono diꞌa fara ke tulao gnai teke tifa na. Eghume jateula tuana eghu ghotilo naikno te diꞌa gognaro gre naugna ghotilo ne theome magnahaghei ghau iara, mae teke mei funu ka God na.”

Matiu 22:7

Aonu, mae funei na diꞌatagna fara ka mare. Mana ne cheke eghu ka nogna mae soldiare, ‘Tei ghotilo mala falehedi naikno te falehedi nogu mae gloku iara ra, nei gnubra fateo nodi namonore eghu.’ Hatimare leghuni nogna cheke mae funei na ne eni igne.

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Luku 13:2

Aonu mae Jisas ne cheke eghu, “Ba tore, puhi te leheni naiknodi Galili igre fagaglana gna te diꞌa fara mare ke tulaodi keha naiknodi Galili gre sia?

Luku 13:4

Ba, eidi nabotho nhana naikno teke lehe ka suga brahu Siloam na kate grofo ke klignadi ira ba? Ba, naikno igre jafra fara ke tulaodi keha naiknodi Jerusalem gre sia?

Luku 13:5

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.”

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.