Luku 13:24 - Buka Blahi Ka Cheke Holo

²⁴ “Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Luku 13:24 Iomraidhean Croise

Proveb 14:6

Mae te patugama na hiro gaoghatho te keli, nu theome tangomana te hata na. Nu mae te autagna gaoghatho te keli na, theome gloku biꞌo te hata glalase na.

Proveb 21:25

Naikno te thodo na magnahaghei glepo fara, nu naugna te thodo loku mana na, mana ginauna lehe.

Eklesiasti 10:15

Mae te theome autagna gaoghatho te keli na, mana theome deni nabrou te mala tei ka nogna suga na, nafnata mae igne ginauna fiti kmusa kolho ka unha te eni mana na.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Matiu 11:12

Kau narane te funu farirhiu mae Jone Apublahi te ghilei mei posa gognarona keha mae Jiu neke fariuriu fara ka magra biꞌo ka mae Rom mala fufunu haghe kau nauthoglu igne narane God nate funei frunidi nogna naiknore.

Luku 13:23

Kaisei naikno mei ne cheke eghu ka mana, “Lord, niha naikno kolho God nate fakarhidire? Kehaghu kolho?” Mae Jisas ne cheke eghu,

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Jone 13:33

“Uve, thuguro, iara ginauna theome au faraugha balumi ghotilo. Iara na jifla tei koko ghami ghotilo. Ghotilo ginauna hari ghau iara, nu ghotilo na theome filo ghau iara. Jateula teke chekeni iara tifei ka goro mae biꞌodi mae Jiura eghu, eghuteuna te chekeni iara gognarona, aheva te tei iara na ghotilo ginauna theome tangomana te mei na.

Jone 5:4

Mae ihei ka hatimare te au khabru tagna nu kulu soru kate kaplo teu kholo na teuna, mana nake keli fapulo nogna.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Jone 7:34

Ghotilo ginauna hiro ghau iara, nu ghotilo ginauna theome filo ghau iara, naugna ghotilo ginauna theome tangomana te thoke ka vido aheva nate tei au iara na.”

Jone 8:21

Mae Jisas neke cheke eghu ka naiknore, “Iara ginau nake tei koko ghami ghotilo. Eghuteuna ke leghugu iara na, ghotilo ginauna hari ghau iara, nu ghotilo ginauna lehe baludi nakhibomi are. Ghotilo ginauna theome tangomana nate mei thoke ka namono aheva te tei iara na.”

Letas Teke Riso Tei Mae Pol Ka Khiloau Rom 10:3

Mare theome filo glanini puhigna God te mala toghodi naiknore te mala au doglo ka tathagna mana na. Mare fariuriu leghuni kolho unha te magnahagheni thedi na, eghuteuna mare theome snakreni God mala toghodi ka puhi te mala au doglo ka tathagna God na.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Josua 7:3

mare neke pulo mei ka mae Josua, ne cheke eghu ka mana, “Theome nabada tahati te kafe tei magra ka namono Ai. Mare theome kmana kolho. Te keli na iagho kurudi kolho phei ba thilo thogha soldia mala tei magra.”

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.