Luku 13:12 - Buka Blahi Ka Cheke Holo

¹² Kate filoni naꞌa na, mae Jisas ne kiloni naꞌa ne cheke eghu ka naꞌa, “Naikno biꞌo, iagho la snaglahi ka fogra teke fadiꞌa nigho na!”

Luku 13:12 Iomraidhean Croise

Nodi Khoje Hatimare Mae Jiu 107:20

God neke cheke ranghidi neke keli fapulo thinidire. Uve, mana neke fakarhidi kau glehe.

Profet Isaia 65:1

Lord ne cheke eghu, “Iara Lord, iara falase ghau thegu ka iheire te theome ghusna ghau iara igre. Eghuteuna iheire te theome hiro ghau iara igre nate filo ghau iara na. Ka ihei te theome tarai mei ka iara na, iara na cheke eghu, ‘Iara tarabanau kolho te mala togho ghami ghotilo na.’

Profet Joel 3:10

Jaha fnonu nomi aean te mala dokha glose ra mala horo naflahi mala magra, eghuteuna salo naflahi thagho ra mala horo grojo. Mae iheire te nigra ra, mala jaola mala tei ka magra.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Matiu 8:16

Rafi, ke leghugna te pluluhi naprai na, naiknore hata ne mei ka mana kmana naikno te au naiture. Mae Jisas ne cheke kolho ka bukrei naiture ne kuru fajifladi. Nu naikno teke fogra re ghosei neke kafe keli fapulo.

Luku 13:11

Lamna jare na au kaisei gaꞌase te au kaisei naitu tagna. Naitu igne fablughuni naꞌa nabagna nabotho nhana finogha. Eghuteuna thagrugna gaꞌase igne pogho fara, theome tangomana teke doglo na.

Luku 13:13

Mae Jisas ne habo lao ka gaꞌase na, eghuteuna naꞌa ghosei neke kegra fadoglo ne funu kilo fnaknoni God.

Luku 13:16

Gaꞌase igne neke karha ka vikegna mae kuꞌeda Ebraham. Nu mae Satan neke loku famakuni naꞌa nabotho nhana finogha. Eghume theome diꞌa teke fasnaglini iara ka fogra teke keli fapulo naꞌa kau narane Sabat gne.”