Luku 13:11 - Buka Blahi Ka Cheke Holo

¹¹ Lamna jare na au kaisei gaꞌase te au kaisei naitu tagna. Naitu igne fablughuni naꞌa nabagna nabotho nhana finogha. Eghuteuna thagrugna gaꞌase igne pogho fara, theome tangomana teke doglo na.

Luku 13:11 Iomraidhean Croise

Thoutonu Eigna Mae Job 2:7

Aonu Satan jifla ne tei, eghuteuna mana ne edi thua nafnata thubu te diꞌa ka thinigna mae Job, funu ka phaꞌu tei posa ka ghahegna ro.

Nodi Khoje Hatimare Mae Jiu 145:14

Leuleghu fata na mana toghodi iheire te au ka hoholo nei farerheta gaoghathodi iheire te nigra.

Nodi Khoje Hatimare Mae Jiu 146:8

Mana tothora tathadi iheire te dofu nei togho haghedi iheire te au pari lahu ka nakarhadire. Eghuteuna mana namhadi nei toghodi eghu fabrahu iheire te doglo puhidire.

Nodi Khoje Hatimare Mae Jiu 38:6

Iara theome tangomana te kegra haghe na, naugna nakhibo gre ne bukri soru ghau iara. Leuleghu narane na iara tanhi nei diꞌanagnafa eghu kolho funu hamerane na ghilei bongi.

Nodi Khoje Hatimare Mae Jiu 42:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Nodi Khoje Hatimare Mae Jiu 6:2

Lord, iara gne la glaꞌe fara hi, eigna nogu nanhetare la gnafahi. Kokhoni ghau fara, ke faheta fapulo ghau.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Nonomho Te Keli Teke Risoi Mae Mak 9:21

Mae Jisas ne ghusna eghu ka mae kmagna na, “Niha teke funu thokeni mana u khabru igne?” Mae kmagna na ne cheke eghu ka mana, “Funu sua gna mei ngala.

Luku 13:12

Kate filoni naꞌa na, mae Jisas ne kiloni naꞌa ne cheke eghu ka naꞌa, “Naikno biꞌo, iagho la snaglahi ka fogra teke fadiꞌa nigho na!”

Luku 13:16

Gaꞌase igne neke karha ka vikegna mae kuꞌeda Ebraham. Nu mae Satan neke loku famakuni naꞌa nabotho nhana finogha. Eghume theome diꞌa teke fasnaglini iara ka fogra teke keli fapulo naꞌa kau narane Sabat gne.”

Luku 21:28

Kate funu thoke mei glepo igre, ghotilo farerheta nagnafamire. Ghotilo kegra fadoglo mala filo haghe kligna, naugna narane God te mala fakarha ghami ghotilo na la namo meihi.”

Luku 8:2

nei keha gaꞌase langau eghu ne tei balugna mana. Eghuteuna gaꞌase igre mana neke fakarhidi ka naitu nei kau kmana nafnata khabru. Kaisei na Meri, naꞌa thau gna Makidala, mana neke brue fajifladi fitu naitu ka naꞌa tifa.

Luku 8:27

Kate longa mae Jisas na, kaisei mae te au naitu na mei ne thafoni mana. Funu tifa te ghilei mei thokei narane igne mae tuana theo kaisei pohe ka thinigna na, nei mana jaola theome au snoto lamna suga. Nu mana au fabrahu kau gluma te mala lilisei thinidi naikno te lehere.

Luku 8:43

Kaisei naikno biꞌo ke lamnadi naikno igre, naꞌa dadara fabrahu nabagna nabotho phei finogha. Naꞌa koko fahui nogna silenire ka hatimare mae dokta, nu theo kaisei mae dokta tangomana te fakelini naꞌa na.

Mae Khuru 3:2

Kaisei mae te lehe ghahegna na funu suagna na, mana gnokrou jare ka grengathagna Sugablahi te kiloni mare, “U grengatha khuakhuda.” Leuleghu narane na mae kheragnare pala tei koba jare mala tore sileni ka naikno te tei tarai ka Sugablahi na.

Mae Khuru 4:22

Mae teke keli fapulo igne mana fogra funu tifa. Eghuteuna gognaro na la phiatutu finogha gnahi.