Luku 12:9 - Buka Blahi Ka Cheke Holo

⁹ Nu ihei te kegra ke uludi keha naiknore te cheke thakleni thegna te theome fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God mae tuana te theome nogu iara na.

Luku 12:9 Iomraidhean Croise

Matiu 10:33

Nu ihei te kegra haghe ke uludi naiknore te tirogna chekeni te fatutuani ghau iara, iara ginauna tirogu cheke eigna mana ka mae Mama kligna. Mana ginauna theome nogu mae gloku iara.”

Matiu 25:12

“Nu mae tholaghi na ne cheke eghu, ‘Tutuani fara te chekeni iara ka ghotilo na, iara theome lase ghami ghotilo, naugna ghotilo theome nogu iara.’ ”

Matiu 25:31

Aonu mae Jisas ne cheke eghu, “Ka narane na teke pulo mei iara na, iara na mei balu nogu nolaghi biꞌo. Nogu tothoghei engel iara re ginauna mei balugu iara. Eghuteuna iara mae King na ginauna gnokro ka sape nafnakno.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Nonomho Te Keli Teke Risoi Mae Mak 8:38

Eghume iheire te tirodi ghau iara nei tirodini chekegu iara na ke uludi naikno te diꞌa kau nauthoglu igne, iara ginauna na tirogudi naikno te tirodi ghau iara tuare ka narane na teke pulo mei iara balu nogna nolaghi biꞌo mae Mama nei balu engel te blahi.”

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Luku 22:57

Mae Pita ne thufu ne cheke eghu, “Gaꞌase, iara iho noguni mae tuana.”

Luku 9:26

Mae ihei te mamaja ghau iara nei mamaja nila chekegu iara mae teke mei funu ka God na teuna, uve, iara ginauna jaola theome kiloni mana kate pulo mei iara balu nogu siasigla nei balu nogna nolaghi biꞌo mae Mama nei balu nodi nolaghi hatimare mae engel te blahi.

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Ululahu Jone 2:23

Jame kaisei naikno te theome fatutuani ni Thugna na, mana theome fatutuani nila Mama. Naikno te fatutuani ni Thugna na, mana fatutuani nila Mama.

Ululahu Jone 2:28

Uve thuguro, au fabrahu balugna mana. Te eni tahati igne na, tahati theome tangomana te mhaghu ka narane nate pulo mei mae Kraes. Tahati ginauna theome tangomana te poru ba mamaja kate mei mana na.

Thakle 3:8

Iara lase ghamihi ghotilo te theome kmana ghotilo ka khiloau. Neuba ngau ghotilo ne leghuni fabrahu nogu farirhiu iara na, ghotilo theome mamaja te chekeni te nogu iara na. Eghume, iara la tothorahi kaisei grengatha malami ghotilo te mala ruma haghe ka nogna nauthoglu majaghani God na mala au fabrahu jare. Eghuteuna grengatha igne ginauna theome tangomana kaisei naikno te bobotho na.