Luku 12:48 - Buka Blahi Ka Cheke Holo

⁴⁸ Nu mae gloku te theome laseni unha te magnahagheni mae funei na nei edi glepo te theome magnahaghedi mana re teuna, mae funei na ginauna theome raꞌe parani fara mana. Naugna mae ihei teke tusu lao God ranghini mana kmana glepo te mala reireghi na, God ginauna magnahagheni mana te mala edi keha glepo ke biꞌodi igrei. Eghuteuna mae ihei teke tusu lao God ranghini kmana gloku na, God ginauna magnahagheni mae tuana mala ke edi keha gloku langau.”

Luku 12:48 Iomraidhean Croise

Levitikas 5:17

“Jame kaisei mae tapla najafra ka nakhibo eni unha te theome snakreni ka nogu vetula iara Lord, neuba mana neke theome kulu laseni, mana nabagna te papara eigna igne.

Naba 15:27

“ ‘Jame kaisei mae theome leghuni kaisei vetula nei mana theome ghathoni unha te mala eni teuna, mana ginauna tufa kaisei nanigot gaꞌase gna te kaisei finogha gna, mala fafara mala ke doglo mana ka tathagu iara na.

Matiu 13:12

Naugna mae ihei te au tagna glalase na, God ginauna nake tusu ranghini mana keha glalase te biꞌo. Nu mae ihei te theome magnahaghei lalase na, neubane au katha glalase ikoi ka mana, God ginauna nake hata fadelei ka mana.

Matiu 23:14

Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fakokhoanadi nei blaudi eghu koba nodi gobigna lepo goro naikno biꞌo te lehe khetodire. Eghuteuna ghotilo tarai brahu koba mala ne mae blahi eghu kolho. Tutuani, God ginauna para ghami fara ghotilo!

Luku 12:41

Mae Pita ne cheke eghu, “Lord, iagho chekeni cheke naba igne ka ghehati kolho, ba ka iheire te gnafa khapru teu igre?”

Luku 12:49

Mae Jisas tudu ne cheke eghu, “Iara gne mei mala ei khaꞌaghi ka nauthoglu igne. Eghuteuna iara magnahagheni fara khaꞌaghi igne mala ngaja fakeli, nu khaꞌaghi igne theome mei ngau.

Luku 16:2

Mae dedei igne ne kilo meini mana ne cheke eghu ka mana, ‘Iara ne nomhi thoutonu diꞌa eimu iagho na. Falalase ka iara unha te edi iagho ka nogu sileni iara re. Iagho ginauna theome tangomana teke mala reireghidi nogu mae gloku iara re.’

Jone 15:22

Jame theome mei iara kau nauthoglu igne te cheke ka mare na, mare na theome tangomana te filo glanidi nakhibodire. Nu gognarona theome tangomana kaisei naikno te porudi u nakhibognare.

Mae Khuru 17:30

Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Diutronomi 25:2

Jame mae fate cheke ka mare mala purini kaisei mae, mae igne thuru pari ka glose na ke ulugna mae fate. Aonu mare puphuri ka thagrugna mae igne niha fata te nabagna puhi biꞌo teke eni mana na.

Ululahu Timoti 1:11

Tuana farirhiu leghuni u Nonomho te Keli God teke tusu mei ka iara mala toutonu iara. Nonomho te Keli igne siasigla balu nolaghi biꞌo neke mei funu ka God mae ihei te blahi fara.

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Ululahu Timoti 6:20

Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.

Taetus 1:3

Eghuteuna kate thokeni u thofno nogna narane thegna God na, mana ne fatakleni eigna u karha na kau nogna Nonomho te Keli te toutonuni iara ranghidi naikno te gnafa kau nauthoglu igne. Nu God noda mae Fakarhai na neke kuru ghau iara mala toutonuni u Nonomho te Keli igne ka naikno te gnafare.

Jemes 3:1

Kheraguro, theome kmana mae ka ghotilo te magnahaghei mae velepuhi ka khiloau gne. Naugna ghotilo laseni God ginauna na fate ghita tahati mae velepuhi gre ke tulaodi keha naikno te theome velepuhi are.