Luku 12:47 - Buka Blahi Ka Cheke Holo

⁴⁷ Mae gloku te laseni unha te magnahagheni nogna mae funei na, nu theome tarabana ba theome eni unha te magnahagheni mana teuna, mae funei igne ginauna parani fara mana.

Luku 12:47 Iomraidhean Croise

Profet Esikiel 9:6

Ghotilo aknu falehe hui goro mae biꞌo, mae majaghani, goro gaꞌase majaghani, idodi te gnafa baludi thudi mare re. Nu ihei te au fagaglana ka greregna na, ghotilo thosei aknu falehedi. Ghotilo ginauna funu aknu falehe mei ka nogu Sugablahi iara gno.” Aonu, mare ne fufunu aknu falehe mae mala baubatu te au ke ulugna Sugablahi na.

Luku 12:41

Mae Pita ne cheke eghu, “Lord, iagho chekeni cheke naba igne ka ghehati kolho, ba ka iheire te gnafa khapru teu igre?”

Luku 12:46

Eghuteuna nogna mae funei mana na ginauna nake pulo mei ka narane te theome tarabana nei theome ghathoni teu mana na. Mae funei tuana ginauna parani fara mae gloku tuana baludi keha naikno te theome leghuni mae funei na.

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Jone 9:41

Mae Jisas ne cheke eghu ka mare, “Te dofu tutuani ghotilo na, ghotilo jame theome jafra. Nu te chekeni ghotilo na, ‘Ghehati la lasenihi u tutuani na teuna!’ Tuana ngala gaoghathogna te chekeni iara ne jafra fara ghotilo teuna.”

Mae Khuru 17:30

Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Jemes 4:17

Eghume mae ihei laseni teu ngala unha te keli na nu theome eni teuna, mae tuana loku jafra ke ulugna God.