Luku 12:45 - Buka Blahi Ka Cheke Holo

⁴⁵ Nu jame te cheke eghu mae gloku tuana ka nagnafagna na, ‘Nogu mae funei iara ia ginauna theome faghose ke pulo mei sia.’ Aonu mae tuana ginauna ghatho ihoni nogna gloku na, eghuteuna mana na funu puridi keha naikno glokure, gaꞌase ba nalhaꞌu. Eghuteuna mana ne leghuni gaoghathogna thegna na, ne ghamu ghegna nei koꞌu ghegna neu ne ghilei dranga fara.

Luku 12:45 Iomraidhean Croise

Thoutonu Eigna Mae Job 24:23

Glahula God na snakredi mare mala au ka vido te keli, eghuteuna gaoghathodi mare na ne au fakeli neu eghu, nu leuleghu fata na God na filo tutu ka puhidi mare re.

Profet Isaia 65:6

“Iara la rioriso soruhi kaisei vetula te mala para ghami ghotilo na. Iara ginauna para ghami ghotilo mala ke tughu fapulo ghotilo nakhibomi re baludi nakhibodi kuꞌemi ghotilo tifa ra. Ghotilo gahu insens ka nomi vido blahi ke kligna thogele mala pogho soru ka nomi mumuju god nei cheke diꞌa ranghi ghau iara. Eghume, iara ginauna na para ghami ghotilo leghuni unha nafnata puhi teke eni ghotilo na.”

Profet Jeremaea 20:2

Mae pris Pasur ne cheke ranghidi nogna mae glokure mala purini mae profet. Aonu mare ne liliseini mana rhegna nogna Grengatha mae Benjamin ka thogele ke raru Sugablahi. Aonu mare ne haruni mana farihoteidi phei thaba mala au papara mana.

Profet Esikiel 12:22

“Maegna ka nauthoglu. Leuleghu fata na, naiknodi Israel gre chekeni koba cheke igne, ‘Kmana narane la liuhi, nu nodi cheke mae profet igre theome thoke mei kolho.’

Profet Esikiel 34:8

Iara eni kaisei nhaꞌa cheke ka nanghagu iara Lord mae ihei te karha te tifa: Lion igre ngolhidi nogu sipu iara re, eghuteuna kathu falehe ghamu ghedire, naugna theo kaisei naikno te reireghidire. Ghotilo mae mala baubatura theome reireghidi kolho nogu sipu iara re. Ghotilo khogla reireghi ghami themi kolho.

Matiu 22:6

Eghuteuna, kehare tei ne lokidi mae glokure, ne puridi, nei falehedi.

Luku 12:44

Uve, tutuani fara te chekeni iara ka ghotilo na. Mae funei na ginauna na vahini mana mala reireghidi nogna gobigna lepore.

Luku 12:46

Eghuteuna nogna mae funei mana na ginauna nake pulo mei ka narane te theome tarabana nei theome ghathoni teu mana na. Mae funei tuana ginauna parani fara mae gloku tuana baludi keha naikno te theome leghuni mae funei na.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Jone 2:10

ne cheke eghu ka mana, “Funu tifa te mei na tahati kulu tufa koba waen te keli na ka naiknore. Ke leghu, kate koꞌu fara mare waen te keli na, ame tufa nga waen te theome raꞌe keli na leghu lahu eghu sia. Nu iagho ne tathaji neu ngala waen te keli na ne ghilei thoke gognaro gne.”

Mae Khuru 2:18

Uve, iheire te loku ranghi ghau iara na, nalhaꞌu ba gaꞌase, ka narane tuana iara ginauna na tusu lao u Tharungagu na ke klignadi mala toutonuni chekegu iara na.

Letas Teke Riso Tei Mae Pol Ka Khiloau Rom 16:18

Nafnata naikno igre theome loku ranghini Kraes noda Lord, nu mare leghudi kolho unha te magnahaghei thedire. Mare lase cheke famaemahe nei lase chaichaghidi iheire te theome raꞌe filo glanidi puhi te diꞌare.

Fapea Korin 11:20

Tutuani, ghotilo gleale'a kolho ka mare, neuba mare ne huju ghami tafri ba chaichaghi ghami ba saosagro ghami ba filo fapari ghami ba tapo ghami.

Diutronomi 12:12

Ka vido blahi tuana ghotilo tangomana te glealeꞌa ke ulugna Lord. Ghotilo baludi thumi nalhaꞌu nei thumi gaꞌase, nei nomi mae gloku teure, ghotilo te gnafa na tangomana te glealeꞌa jare na. Eghuteuna ghotilo mala edi vikedi mae Livaet te au ka nomi namono ghotilo are mala mei glealeꞌa balumi ghotilo jare, naugna mare theo nodi glose thedi.

Ululahu Tesalonika 5:7

Eigna iheire te thuru, thuru bongiro, eghuteuna iheire te koꞌu dranga, koꞌu bongiro.

Fapea Pita 2:13

Eghuteuna mare ginauna na paradi fara, eigna mae velepuhi chaichaghi igre neke kulu paradi keha naiknore. Mae velepuhi chaichaghi igre magnahaghei fara te hohoro gaghamu te diꞌa, neubane farihotei naublatha. Eghuteuna kate mei ima balumi ghotilo na, mare na famamaja ghami ghotilo fara ka nodi puhi te diꞌare. Nu mare keli tadi fara te mala chaichaghi ka nodi puhi te diꞌa tuare.

Fapea Pita 2:19

Mare neke nhaꞌa cheke ka naiknore eigna nasnagla na. Nu mare thedi na theome snagla kolho eghu. Mare jateula te sneka eghu ka puhi nate roꞌedi teu mare. Naugna naikno na sneka ka puhi diꞌa te batuni mana na.

Thakle 16:6

Mae teke falehedi nou mae profet ra nei nou naikno blahi ra, iagho gognaro ke figri khoꞌu ana nei glokha ana eghu ka dadara mala koꞌu mare. Tuana ngala puhi te doglo te mala ke foli fapulo iagho nabadi unha teke edi mare re.”

Thakle 18:24

Papara igne thokeni Babilon naugna naiknogna namono tuana neke falehedi hatimare mae profet nei keha nogna naikno God teke au ka namono tuana. Tutuani, mare neke falehedi naikno te gnafa ka nauthoglu igne.