Luku 12:43 - Buka Blahi Ka Cheke Holo

⁴³ Mae gloku igne ginauna keli tagna fara kate mei nogna mae funei na te filoni mana te famane eni fabrahu nogna gloku na.

Luku 12:43 Iomraidhean Croise

Nodi Khoje Hatimare Mae Jiu 101:6

Nu iheire ngala te ghatho brana nigho re nate au balugu iara re. Eghuteuna iheire te doglo puhidire, ginauna loku ranghi ghau iara.

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Profet Isaia 56:2

Iara ginauna fablahidi iheire te tajini narane Sabat, ba iheire te leghuni vetula eigna narane tuana. Eghuteuna iara ginauna fablahidi iheire te theome eni kaisei glepo te diꞌa.”

Matiu 24:46

Mae gloku igne ginauna keli tagna fara kate mei nogna mae funei na, eghuteuna nogna mae funei na filoni mae gloku na te famane eni fabrahu nogna gloku na.

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Luku 12:42

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagnani mae funei na ia? Mae gloku te lalase fara te leghuni fabrahu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Luku 12:44

Uve, tutuani fara te chekeni iara ka ghotilo na. Mae funei na ginauna na vahini mana mala reireghidi nogna gobigna lepore.

Fapea Pita 3:14

Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.