Luku 12:39 - Buka Blahi Ka Cheke Holo

³⁹ Nu ghotilo laseni igne, jame mae khotogna suga na laseni narane te mala meigna mae mala blau na, mana ginauna filo fakeli eigna mana theome snakreni nogna suga na mala ruma mana.

Luku 12:39 Iomraidhean Croise

Matiu 24:42

“Eghume ghotilo tarabana fakeli nomi fabrahu. Naugna ghotilo theome laseni narane mala ke pulo meigna nomi Lord na.

Matiu 6:19

Mae Jisas ne cheke eghu, “Thosei salofodu malami themi dedei gna nauthoglu igne, naugna kokorosi nei kukuku eghu tangomana nate fadidiꞌa na. Eghuteuna mae te blaure tangomana te paꞌe suga na mala ruma blau.

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Thakle 16:15

Aonu mae Jisas ne cheke eghu, “Fanomho fakeli! Tutuani, iara ginauna nake pulo mei ka ghotilo ka narane te theome ghathoni ghotilo na jateula kaisei mae te blau te mei ka narane te theome ghathoni naiknore. Mae ihei te tarabana teu teke pulo mei iara na, mana ginauna gleale'a fara kate filo ghau iara na. Mana jateula kaisei mae te ofoni teu ke pulo meigna mae kheragna na. Mana ginauna pipichi, dofrau nei gleale'a eghu kate filoni mana na. Jame te tarabana teu iagho teke pulo mei iara na, iagho na theome mamaja nou kate filo ghau iara na. Tutuani, iagho theome mamaja nou jateula iheire te soesole teu ka glalaba na ia eghu.”

Thakle 3:3

Eghume thosei ghatho ihodi famane cheke teke farirhiu mare ka ghotilo ra. Ghotilo famane leghu fakelidi, nei lilisei puhimi te diꞌare eghu. Nu jame te theome ghaoghatho fakeli ghotilo na, iara ginauna ari posa ka ghotilo. Ghotilo ginauna theome laseni niha nau na teke mei iara na, naugna iara ginauna mei jateula kaisei mae te mala mei blau ia eghu.