Luku 12:32 - Buka Blahi Ka Cheke Holo

³² “Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Luku 12:32 Iomraidhean Croise

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Profet Isaia 41:14

Neuba ghotilo mae Israel gre ne glaꞌe fara, ghotilo thosei mhaghu, naugna iara ginauna togho ghami ghotilo.” Igne chekegna Lord nodi thofno God te Blahi mae Israel mae ihei te fakarhi ghami ghotilo.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Profet Jeremaea 3:19

Lord ne cheke eghu, “Iara thofno magnahaghei ghami ghotilo teke figri mei jateula thofno thugu eghu iara. Eghuteuna iara ginauna snakre ari ka ghotilo vido glose te thofno keli fara te salaꞌudi vido glose te gnafa ka nauthoglu igne. Iara magnahaghei ghami ghotilo te kilo ghau iara mae kmami ghotilo mala theome tangomana ghotilo te tei koko ghau iara na.

Matiu 14:27

Mae Jisas ghosei ne cheke eghu mei ka mare, “Thosei nanga nomi! Iara mae Jisas! Thosei mhaghu!”

Matiu 20:16

Aonu, leghu lahu na mae Jisas ne cheke eghu, “Eghume, kmana naikno te au leghu lahu ka nakarha gognaro gne nake au ului. Eghuteuna kmana naikno te au ulu ka nakarha gognaro gne nake au leghui.”

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Luku 10:21

Ka narane tuana, mae Tharunga te Blahi na ne thofno fagleꞌani mae Jisas ne cheke eghu, “Mama, iara cheke fakeli nigho, iagho mae te funei frunidi gobigna lepo kligna nei pari. Iara cheke fakeli nigho naugna iagho ne falalase ka iheire te jateula sua teu te ihore thofno glalase igne, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na. Uve, Mama, iagho eni igne naugna igne unha te thofno magnahagheni iagho na.

Jone 18:36

Mae Jisas ne cheke eghu ka mana, “Iara mae King, nu iara theome jateula king gna nauthoglu pari igne eghu. Jame mae king gna nauthoglu pari igne iara meuna, nogu mae fanomho iara gre jame magra heta eigu iara mala theome atha ghau iara mae Jiu gre. Iara mae King, nu iara theome jateula ngau keha mae king te funei frunidi naiknogna nauthoglu pari igne eghu sia.”

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Mae Khuru 20:29

Naugna iara la kulu lasenihi igne. Ke leghugna te tei koko ghami iara ginauna, keha naikno te diꞌa puhidire ginauna mei fariuriu lalamadi naikno ka khiloau gne.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Ululahu Korin 1:21

Ninhigrana fara ranghidi naiknore te lase fakelini God leghuni nodi gaoghatho thedi na. Nu God magnahaghei te leghuni gaoghathogna thegna te hata u cheke te toutonuni tahati igne mala fakarhidi iheire te fatutuani ni mana. Neuba keha naiknore ne cheke eghu, “U thoutonu igne theo nafugna kolho.”

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Fapea Tesalonika 1:11

Naugna igne, ghehati tarai koba eimi ghotilo, nei toreni noda God mala togho ghami nei nabami te au ka nakarha te keli teke kilo ghamihi mana. Eghuteuna ghehati jaola toreni God ka nogna nolaghi mala togho ghami ghotilo mala leghudi gaoghathomi nei loku fahui gloku teke edi ghotilo naugna te fatutuani ni God.

Fapea Tesalonika 1:5

Glepo igre thofno falalase puhigna God mala fatedi naiknore thofno doglo fara. Eigna God magnahaghei ghami ghotilo naba te mala au baludi naikno God te funei frunidi. Tuana gaoghathogna te au papara ghotilo gne.

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Fapea Pita 1:11

Eghuteuna God ginauna tangomana te thofno snakre ghami mala ruma ka nauthoglu majaghani te theo ka huigna. Ka nauthoglu igne noda Lord nei fakarhaida Jisas Kraes na King fabrahu tifa tifa.

Thakle 1:6

Mana eꞌei ghita mala pris te mala toghodi nogna naiknore nei mala pogho soruni God Kmagna noda King. Tahati ginauna pala hagheni nanghagna na kligna, eghuteuna kilo fnaknoni fabrahu nogna nolaghi biꞌo na tifa tifa. Amen.

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.