Luku 12:24 - Buka Blahi Ka Cheke Holo

²⁴ Kulu filo laodi si ghotilo nanghaji are. Rehati theome nanga nodi te mala loku kaisei nagare te mala hata gano na, ba rehati theo kaisei suga la te mala tathaji gano na. Nu neuba ngau, God ngala te faghamudire. Nu ghotilo na glepo ulu fara ka tathagna God na ke tulaodi nanghaji igrei.

Luku 12:24 Iomraidhean Croise

Thoutonu Eigna Mae Job 35:11

Neuba God ne vuavuha naikno mala lalase salaꞌudi nanghaji ka maloa gne neu, naiknore theome figri tei ka mana mala toghodi.

Thoutonu Eigna Mae Job 38:41

Ihei te faghedi gano nanghaji biꞌo igre ka vido te rofo te hiro ghedi gano re? Uve, ihei te faghamu re thudi nanghaji igre kate rofo nodi te tanhi mei ka iara re?”

Nodi Khoje Hatimare Mae Jiu 147:9

Mana tusu lao ghedi gano buluka, nei faghamudi sua nanghaji ka vido te rofo te magnahaghei ghedi gano na.

Matiu 10:31

Eghume, thosei mhaghudi unha te edi mare ranghi ghami ghotilo re. Naugna ghotilo thono glepo biꞌo fara ke uludi nanghaji te kmana are!

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Matiu 6:26

Filo si ghotilo ka nanghaji te flalo tafri are. Reꞌe theome joꞌu sisi nei theome pulei gano mei mala bubukrei ka suga na. Nu mae Kmami ghotilo te au kligna na te faghamudire. Filo si ghotilo, ghotilo glepo ke uludi nanghaji igrei ka tathagna God na.

Nonomho Te Keli Teke Risoi Mae Mak 6:26

Mae king ne thono diꞌanagnafa fara. Mana theome magnahaghei teke fatheꞌoni nogna nhaꞌa cheke teke eni ka thugna gaꞌase na. Naugna mana neke nhaꞌa chekehi ka naꞌa ke uludi hatimare mae kheragna nafnaknore.

Luku 12:23

Naugna nakarha na glepo ke ulugna ganoi, nei thini na glepo ke ulugna pohei.

Luku 12:7

Tutuani fara, God na lasedi gobigna lepore jateula mana te lasedi niha khakla ka phaꞌumi ghotilo re. Eghume, thosei mhaghuni unha nate thoke ghami ghotilo na, naugna ka tathagna God na ghotilo glepo ulu tulao ka nanghaji te kmana igre.”