Luku 12:23 - Buka Blahi Ka Cheke Holo

²³ Naugna nakarha na glepo ke ulugna ganoi, nei thini na glepo ke ulugna pohei.

Luku 12:23 Iomraidhean Croise

Jenesis 19:17

Kate hata fajifladihi ke kosigna namono na, kaisei engel na ne cheke eghu, “Faghose rikha, na eghunu lehe ghotilo eghu. Thosei filo faleghu ba thosei gnokro e gnafa ka sare pari ana. Rikha tei ka thogele holo igro, na eghunu lehe ghotilo eghu.”

Thoutonu Eigna Mae Job 1:12

Lord ne cheke eghu ka Satan, “Uve, gobigna lepo te au ka mae Job igre, ka khamemu iagho gognarona. Eghume iagho tangomana te eni unha te magnahagheni iagho ka gobigna lepo te khotodi mana re. Nu iagho thosei eni kaisei glepo ka mana.” Aonu Satan jifla ne tei.

Thoutonu Eigna Mae Job 2:4

Nu Satan ne cheke eghu, “Naikno na tangomana te lilisei nogna gobigna lepore mala fakarhini thegna.

Thoutonu Eigna Mae Job 2:6

Lord ne cheke eghu ka mana, “Uve, mana ka khamemu iagho gognaro na, nu iagho thosei faleheni mana.”

Proveb 13:8

Glahu keha mae huhuruni mae te dedei na mala folini nakarhagna thegna na. Nu mae te kuma na theome thokeni nafnata puhi biꞌo igne.

Luku 12:22

Mae Jisas ne cheke eghu ka nogna mae fanomhore, “Eghume, te chekeni iara ka ghotilo na, thosei nanga nomi eigna gano te mala ima te mala karha teuna. Ba eigna pohe te mala pipichi ghotilo ka thinimi are.

Luku 12:24

Kulu filo laodi si ghotilo nanghaji are. Rehati theome nanga nodi te mala loku kaisei nagare te mala hata gano na, ba rehati theo kaisei suga la te mala tathaji gano na. Nu neuba ngau, God ngala te faghamudire. Nu ghotilo na glepo ulu fara ka tathagna God na ke tulaodi nanghaji igrei.

Mae Khuru 27:38

Ke leghugna te ghamu te boho na, mare koko ne fahui baeg flaoa re ka nhorora na mala feo vaka na.