Luku 12:15 - Buka Blahi Ka Cheke Holo

¹⁵ Mae Jisas tudu ne cheke eghu, “Fiofilo fakeli ghami ka kmana nafnata khiri te magnahaghedi ghotilo igre. Naugna thofno nakarhagna naikno na theome leghudi kolho glepo kmana te khotodi mana re.”

Luku 12:15 Iomraidhean Croise

Ululahu Kings 2:40

mana tarabana nogna dongki na ne tei filodi phiamare jare. Eghuteuna mana hatadi phiamare neke pulo Jerusalem.

Thoutonu Eigna Mae Job 2:4

Nu Satan ne cheke eghu, “Naikno na tangomana te lilisei nogna gobigna lepore mala fakarhini thegna.

Nodi Khoje Hatimare Mae Jiu 10:3

God, mae te diꞌa igne, mana cheke fahaehaghedi fara glepo te diꞌa te magnahaghedi thegna re. Mae igne magnahaghedi kmana glepo fara, ne figri tagru nigho, ne cheke fadiꞌa nigho.

Nodi Khoje Hatimare Mae Jiu 37:16

Glepo ikoi te au ka mae te keli na, thofno keli fara uludi glepo te khotodi mae te diꞌare.

Nodi Khoje Hatimare Mae Jiu 62:10

Thosei cheke eghu ka gaoghathomire, “Puhi te magra nei puhi te blau teugre ngala puhi keli fara, eigna tahati na dedei noda fara.” Eigna neubane dedei ghotilo ba ne fnakno ghotilo, u dedei nei nafnakno teu tuare ginauna theome fakarhi ghami ghotilo, eghume ghotilo thosei rouronu ka glepo igre eghu.

Proveb 15:16

Mae te theome au nogna kmana glepo, nu ghatho tahuni Lord teuna, nakarhagna mae igne uluni nakarhagna mae ihei te au nogna kmana glepo, nu mana au puhi biꞌo ka nakarhagna na.

Proveb 16:16

Famane gaoghatho te keli balugna glalase na, thofno keli fara salaꞌudi gol ghe silva.

Proveb 28:16

Mae lida gna kantri te theo tagna kaisei gaoghatho te keli na, mana ginauna fakokhoanadi naiknore. Nu mae lida te theome hata nodi sileni naiknore, mana ginauna funei fabrahu.

Profet Jeremaea 6:13

Iheire te fnakno ba iheire te theome fnakno, mae igre kafe edi thua nafnata puhi te diꞌare mala atha nodi kmana sileni ka naiknore. Uve, neubane mae pris ba mae profet, mare chaichaghidi fara naiknore.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Profet Maeka 2:2

Kate magnahagheni nogna glose keha mae na, ghotilo tei atha kolho. Eghuteuna kate magnahagheni nogna suga keha mae na, ghotilo jaola tei atha. Ka puhi igne, ghotilo blaudi kolho nodi glepo naiknore, eghuteuna keha fatare ghotilo jaola blaudi tharaknadi mare re.

Profet Habaku 2:9

“Kokhoni ghami fara ghotilo iheire te hata nodi glepo keha naiknore te mala dedei nodi khetomi, thumi nei kherami teu themi are. Eghuteuna gognarona ghotilo babana nomi famane suga maku mala theome tangomana ihei te mei roꞌeni, jateula gnoku gaghata te au kligna ka phaꞌu gajura eghu.

Nonomho Te Keli Teke Risoi Mae Mak 7:22

mamagna, gloku te diꞌa, saosagro, gnognoro, goghotu, cheke faparini ihei, fahaehaghe nei fanoinoli.

Luku 12:16

Ke leghugna igne, mae Jisas ne chekeni kaisei cheke naba ka naiknore, “Uve, fanomho ka thoutonu igne ghotilo ia. Kaisei mae te dedei na au keha nogna glose te keli, aonu mana au kmana ghegna gano ka nogna nagare na.

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Luku 8:14

Eghuteuna sisi te soru farihoteidi glathi gnarho te fachuchuru igre, eidi iheire te nomhini cheke na nu nanga nodi fara eidi kmana nafnata glepo. Mare namha dila dedei gna nauthoglu igne ba glepo te keli kau nakarha igne kolho. Aonu cheke igne ginauna theome kotu fakeli nei au kaisei sisi ikoi eghu kolho.

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Fapea Timoti 3:2

Ka narane tuare naiknore ginauna ghathodi thedi kolho, nei magnahaghei sileni fara. Mare ginauna fahaehaghe nei fabiꞌobiꞌo fara, eghuteuna mare ginauna cheke fadiꞌadi keha naiknore. Mare ginauna theome leghudi idodi ba kmadire. Naiknore ginauna theome tegio ka God ba theome nafnata naikno God te magnahagheni.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Josua 7:21

Ka teke magra tahati teke hata glepodi Jeriko ra, iara neke filoni kaisei famane pohe gna Babilonia, nei kaisei vido silva eghu, tahugna na jame phei kilo gram, nei kaisei vido gol, tahugna na jame kaisei vido kilo gram. Iara thono magnahaghedi fara glepo igre neke hata malagu thegu. Iara hata glepo igre neke titifuni lamna glose ka nogu suga tapuale na, baludi silva re pari lahu.”

Fapea Pita 2:14

Leuleghu fata na kaisei glepo ngala te magnahaghei mare na, mala ei puhi ka gaꞌase. Nodi puhi diꞌa igre na theome gnafa ka mare. Mare saosagrodi naikno te theome heta nodi fatutuanire mala jaola fagoigoli. Mare laseni fara puhi mamagna na. Naugna igne God chekenihi te mala paradi naikno igre.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.