Luku 12:12 - Buka Blahi Ka Cheke Holo

¹² Kau narane tuana mae Tharunga te Blahi na ginauna farirhiu ghami ghotilo unha te mala chekeni ghotilo na.”

Luku 12:12 Iomraidhean Croise

Eksodas 4:11

Lord ne cheke eghu ka mana, “Ihei teke eni foflogna naikno na? Eghuteuna ihei te mala eni naikno na te mala megli ba te mala theome lase cheke na? Ihei te mala eni naikno na te mala fifilo na, ba te mala dofu na? Iara Lord, iara ngala tangomana te edire glepo igre.

Eksodas 4:12

Tei sagho! Iara ginauna togho nigho mala cheke, eghuteuna iara ginauna fagriu nigho unha te mala cheke iagho na.”

Matiu 10:19

Kate hati ghami mare kau fate na thosei nanga nomi eigna unha nate chekeni kau fate na. Naugna kau narane tuana God ginauna tusu ranghi ghami ghotilo nolaghi te mala cheke na.

Matiu 10:20

Cheke te mala chekedi ghotilo re theome nomi ghotilo themi, nu nogna Tharunga te Blahi teke mei funu ka Kmami te au kligna na nate cheke ka nagnafami ghotilo re. Nu cheke tuare ngala te mala chekedi ghotilo re.

Luku 12:13

Kaisei mae ka nakhapru na kegra fanomho neu ka nogna cheke mae Jisas re. Mana ne cheke eghu, “Ghema velepuhi, cheke ka mae thabusigu ia mala tufa farihoteimi ghepa glepo teke lehe kokodi mae mama ra.”

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Mae Khuru 4:8

Mae Tharunga te Blahi na ne soru mei ka mae Pita, eghuteuna mana ne cheke eghu ka mare, “Uve, ghotilo mae funei ra, nei ghotilo keha mae biꞌodi mae Jiu ra.

Mae Khuru 6:10

nu mae Tharunga te Blahi na ne toghoni mae Stivin mala cheke balu glalase te biꞌo. Eghuteuna hatimare mae Jiure theome tangomanadi te cheke faparini mana na, naugna nogna cheke mana re thono nolaghi fara.

Mae Khuru 7:55

Nu mae Tharunga te Blahi na au balugna mae Stivin, mana ne filo haghe kligna ne filoni u siasigla gna nogna nolaghi biꞌo God na. Mana ne filoni mae Jisas kegra teu fei nhetagna God na.