Luku 12:11 - Buka Blahi Ka Cheke Holo

¹¹ “Eghuteuna naiknore ginauna hata ghami ghotilo tei ka fate ke lamna suga tharai, ke uludi hatimare mae funei ba hatimare mae biꞌo naugna ghotilo nogu iara. Thosei nanga nomi eigna unha nate cheke eimi themi nei cheke tughudi nodi cheke hatimare re.

Luku 12:11 Iomraidhean Croise

Eksodas 4:12

Tei sagho! Iara ginauna togho nigho mala cheke, eghuteuna iara ginauna fagriu nigho unha te mala cheke iagho na.”

Matiu 23:34

Eghume te chekeni iara ka ghotilo na. Iara ginauna kuru meidi ka ghotilo hatimare mae profet nei hatimare mae glalase nei hatimare mae velepuhi. Ghotilo ginauna falehedi keha naiknore. Ghotilo ginauna na tupijuru kehare kau gaju fafatha. Ghotilo ginauna puphuri kehare ke lamnadi nomi suga tharai re. Ghotilo ginauna ngolhi tafridi leuleghu namono.

Matiu 6:25

Mae Jisas ne cheke eghu, “Naugna igne te chekeni iara ka ghotilo na, thosei nanga nomi eigna gano ba eigna khoꞌu te mala karha teu ghotilo na, ba eigna pohe maladi thinimi are. Naugna karha na glepo ke ulugna ganoi, nu thini na glepo ke ulugna pohei.

Matiu 6:27

Nu ghotilo theome tangomana teke nhaꞌa lao kaisei finogha kau nakarhami na mala ke nangani ghu keu tuana.

Matiu 6:28

“Nu ghotilo thosei nangani pohe te mala pipichi na. Filodi si ghotilo ka sisi te karha tafri ka namhata na are. Reꞌe theome loku nei theome ei nodi pohe eghu thedi.

Matiu 6:31

Thosei nanga nomidi glepo igre, me cheke eghu, ‘Na ghamu unha si tahatia, ba na koꞌu unha, ba na pipichi ka unha?’

Matiu 6:34

Thosei nangani eigna nathuꞌu, naugna nathuꞌu na au nogna puhi ngau thegna te nabagna narane tuana.”

Luku 12:22

Mae Jisas ne cheke eghu ka nogna mae fanomhore, “Eghume, te chekeni iara ka ghotilo na, thosei nanga nomi eigna gano te mala ima te mala karha teuna. Ba eigna pohe te mala pipichi ghotilo ka thinimi are.