Luku 11:8 - Buka Blahi Ka Cheke Holo

⁸ Te chekeni iara ka ghotilo na, mana jame theome magnahaghei kegra te tusu ari gano ka iagho na, neubane mae kheragna thofno iagho. Nu mana ginauna na tangomana te kegra haghe te tusu ari unha te magnahagheni iagho na, naugna iagho ne theome mamaja te tore fabrahu na. Eghuteuna heta gheu iagho te theome khusu thore na.

Luku 11:8 Iomraidhean Croise

Jenesis 32:26

Aonu mana ne cheke eghu ka mae Jekop, “Lisei ghau iara sagho, naugna u naprai gne la haghehi.” Nu mae Jekop ne cheke eghu ka mana, “Iara ginauna na theome snakre tei nigho iagho ghilei fablahi ghau iara ghu iagho!”

Luku 11:7

Mae kheramu iagho te au lamna suga na mana ginauna cheke eghu, ‘Ghema! Thosei fagloku biꞌo ghau iara! Grengatha na la bobothohi, eghuteuna iara baludi thugure la thuru nomihi gognaro na. Iara theome tangomana te kegra haghe te tusu ari ka iagho kaisei gano na.’

Letas Teke Riso Tei Mae Pol Ka Khiloau Rom 15:30

Kheraguro, naugna tahati kaisei balugna noda Lord Jisas Kraes nei Tharunga te Blahi togho ghita te mala fari namhai, iara thofno tore ghami mala kaisei balugu ka tharai nei toreni God mala togho ghau iara.

Fapea Korin 12:8

Iara neke thilo fata toreni Lord mala hata fadelei ka iara puhi biꞌo igne.

Kolose 2:1

Iara magnahaghe ghami ghotilo te lase ghau iara te loku heta fara mala togho ghami ghotilo baludi naikno khiloau ka namono Leodisia nei keha naikno te theome filo ghau teu iara.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Jajis 14:17

Aonu gaꞌase igne ne tanhi fabrahu ka mana ne ghilei thokeni fafitugna narane gaghamu igne. Eghuteuna naugna te tanhi fabrahu fara naꞌa igne, eghuteuna naꞌa toreni mana fabrahu kmana fata teu igne, ka fafitu narane na Samson ne cheke thakleni gaoghathogna grougromu igne ka naꞌa. Eghuteuna naꞌa tei ne cheke ka kheragna re.

Ululahu Samuel 1:12

Hana tharai heta fabrahu ka Lord, eghuteuna mae Eli ne filo tutu ka phepeo gna naꞌa na.