Luku 11:7 - Buka Blahi Ka Cheke Holo

⁷ Mae kheramu iagho te au lamna suga na mana ginauna cheke eghu, ‘Ghema! Thosei fagloku biꞌo ghau iara! Grengatha na la bobothohi, eghuteuna iara baludi thugure la thuru nomihi gognaro na. Iara theome tangomana te kegra haghe te tusu ari ka iagho kaisei gano na.’

Luku 11:7 Iomraidhean Croise

Famane Khoje 5:3

Nu iara ne cheke eghu, “Iara la atha kokohi nogu pohe na eghuteuna iara tarabana mala thuru. Ba, na pipichi ghu iara? Eghuteuna iara la titihi hi ghahegu re. Ba, iara gne thonau signea?”

Matiu 25:10

“Nu glima gaꞌase te theome lalase igre ne tei foli keraseni. Ke leghudi reꞌe te tei foli keraseni na, mae te mala tholaghi na ne mei. Keha glima gaꞌase teke kulu tarabana nodi jutare ne tei balugna mana ka suga te mala ghamu gaghamu tholaghi na. Aonu grengatha na bobotho ne bibilakhi.

Luku 11:8

Te chekeni iara ka ghotilo na, mana jame theome magnahaghei kegra te tusu ari gano ka iagho na, neubane mae kheragna thofno iagho. Nu mana ginauna na tangomana te kegra haghe te tusu ari unha te magnahagheni iagho na, naugna iagho ne theome mamaja te tore fabrahu na. Eghuteuna heta gheu iagho te theome khusu thore na.

Luku 13:25

Kate tei mae khotogna suga na te bobotho grengatha na, ghotilo ginauna kegrau kosi na kikidi cheke eghu, ‘Lord, tothora ranghi ghami grengatha gne!’ “Nu mana ginauna cheke eghu, ‘Iara theome lase ghami ghotilo! Ghotilo neke mei funumi heva?’

Luku 7:6

Aonu mae Jisas ne tei baludi mare. Kate tei te namo posa mae Jisas ka sugagna mae biꞌo na, mae biꞌo na ne kurudi keha mae ne mei cheke eghu ka mae Jisas, “Funei, mae biꞌo na ne cheke eghu, ‘Thosei fagloku biꞌo nigho te mei ka sugagu iara na. Naugna iara theome nabagu te ruma iagho ka sugagu na.

Galesia 6:17

Eghume thosei eni kaisei puhi biꞌo ranghi ghau iara, naugna nafnera teke para ghau mare igre auhi ka thinigu iara na. Igre fagaglana eigna iara kaisei nogna gloku mae Jisas Kraes.