Luku 11:48 - Buka Blahi Ka Cheke Holo

⁴⁸ Eghuteuna gognarona ghotilo fakakhana puhimi te diꞌare ne nanaba fara ka puhidi mae ku'emi tifa ra. Naugna mare neke falehedi mae profet tifa ra, nu gognarona ghotilo edi fabrahu tuthuana ke klignadi bekudire mala ghatho tahudi!

Luku 11:48 Iomraidhean Croise

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Thoutonu Eigna Mae Job 15:6

Theome iara te chekeni ne diꞌa iagho teuna, nu ka nou cheke themu iagho are te falalaseni ne diꞌa iagho teuna.

Nodi Khoje Hatimare Mae Jiu 64:8

God ginauna paradi mare eidi nodi cheke mare te diꞌa tuare. Iheire te filodi mae igre na mare ginauna maꞌedi mare.

Profet Esikiel 18:19

“Nu ghotilo mala ghusna eghu koba, ‘Naugna unha si thugna mae igne te theome papara eidi nakhibogna mae kmagna grea?’ Naugna mae thugna mana igne edi koba unha glepo te doglo nei keli teure, eghuteuna mana leghudi fabrahu vetula re, mana ginauna theome lehe.

Matiu 23:27

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo jateula beku te famane simede te klino ke kosi na, eghuteuna keli fara fifilogna na teu ia eghu. Nu ke lamna na fodu ka nhubra nei thinidi naikno te lehe te boto re.

Matiu 23:31

Ka nomi cheke themi tuare ghotilo cheke thakle ghauhi themi, ghotilo ngala thofno vikedi hatimare mae teke falehedi mae profet ra.

Luku 11:47

“Puhi biꞌo ka ghotilo! Naugna ghotilo ne hohoro tuthuana te keli fara ke klignadi bekudi hatimare mae profet ra. Nu ghotilo theome ghathoni igne ne cheke eghu, ‘Mae kuꞌeda tifa ra neke falehedi mae profet igre!’

Luku 11:49

Naugna igne, ka nogna glalase na, God ne cheke eghu, ‘Iara ginauna na kuru teidi nogu mae profet nei nogu mae mala hata nonomhore eghu ka naiknore. Eghuteuna mare ginauna na falelehe kehare nei fakokhoanadi kehare.’

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Jemes 5:10

Ke ghathodi si ghotilo hatimare mae profet teke chekeni chekegna God na tifa ra. Neubane naiknore ne edi kmana nafnata puhi te diꞌa ka mare, mare kegra heta ka nodi fatutuani na.

Josua 24:22

Aonu Josua ne cheke eghu ka mare, “Ghotilo la nomhihi themi te chekeni ghotilo ginauna tarai nei leghuni eghu Lord. Tutuani?” Mare ne cheke eghu, “Uve, tutuani fara!”