Luku 11:39 - Buka Blahi Ka Cheke Holo

³⁹ Mae Jisas ne cheke eghu ka mana, “Ghotilo mae Farasi gre nanga nomini kolho te mala fagagae ke kosidi kapu nei tapera teu gre. Nu ke lamnadi nagnafamire, ghotilo fodu ka mamagna nei gaoghatho te diꞌa.

Luku 11:39 Iomraidhean Croise

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Fapea Kronikols 25:2

King igne mana edi unha te doglo ka tathagna Lord, nu mana theome edi ka nagnafa gna fateote'o.

Nodi Khoje Hatimare Mae Jiu 22:13

Mare tarabana mala goigoni ghau iara, jateula lion te rofo te nganga teu foflogna na te mala tomno lao bosu ra eghu.

Proveb 26:23

Nogna famane cheke mae te diꞌa na, jateula glele te peda te famane salhu ra eghu.

Proveb 26:25

Neuba nogna cheke mana re ne famane fanomhodi re, iagho thosei fatutuanidi. Thiꞌagna mana na fodu ka gaoghatho te diꞌa.

Proveb 30:12

Keha maere ne doglo eghu ka gaoghathodire, nu mare theome thofno snagla ka nakhibo.

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Profet Esikiel 22:25

Mae profet di Israel igre edi keha gaoghatho te diꞌa mala goigonidi naiknore jateula lion te rofo te ku'e fabiꞌo kate ghamu nafnahidi glepo tautagu te kathu falehe thedi re. Mare aknu falehe naiknore, eghuteuna hata nodi sileni mare re baludi keha glepo langau eghu. Kmana mae te aknu falehe mare re, eghuteuna khetodi mae te lehe igre au glehe kokoi.

Profet Esikiel 22:27

Nodi mae funei te gnafa mare igre jateula khuma mata te kathu falehe glepo tautagu te kina sasaka eghuteuna ghamu teura eghu. Mare falehe naikno mala tangomana mare te hata nodi sileni naikno re te mala dedei na.

Profet Sefanaea 3:3

Hatimare mae lida ka namono biꞌo Jerusalem, mare jateula lion te rofo te ku'e tafri ra eghu. Eghuteuna mae biꞌo ka namono igre, mare jateula khuma te rofo te ghamu fateo ghegna gano ra eghu. Eghuteuna theome lisei faleghu kaisei nhubra malagna keha narane na.

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Luku 7:13

Mae Jisas ne filoni naꞌa ne kokhoni nogna ni. Mana ne tei ka naꞌa ne cheke eghu, “Naikno biꞌo, thosei tanhi.”

Jone 12:6

Nu mae Judas chekeni igne naugna mana kaisei mae mala blau kolho. Mana theome kokhonidi naikno te kumare. Theo, naugna mana ngala kaisei mae te mala reireghi gna gloi sileni hatimare mae fanomhore, eghuteuna mana blau sileni keha fata ka gloi sileni na.

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Galesia 1:14

Eghuteuna iara heta fara mala leghu fakelini nodi kastom hatimare mae biꞌomi Jiu tifa ra. Ka puhi igne iara loku heta fara uludi kmana mae kheragu te majaghani ra.

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Taetus 1:15

Mae ihei te famane keli u gaoghathogna na ke ulugna God na mana filo glanidi gobigna lepo te kelire. Nu eigna mae ihei te theome keli ke ulugna God nu theome fatutuani ni mae Jisas Kraes teuna, mana theome tangomana te filo glani kaisei glepo te keli na. U nafnata naikno tuana au u gaoghatho te diꞌa nu u glalase eigna God na theome keli kolho ka mana.

Jemes 4:8

Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.