Luku 11:21 - Buka Blahi Ka Cheke Holo

²¹ “Jame kaisei mae thono nheta fara au nogna glepo mala magra te mala reireghini nogna suga na, ginauna theo kaisei mae te tangomana te mei te hata fadeleidi nogna glepo mana re.

Luku 11:21 Iomraidhean Croise

Profet Isaia 49:24

Jame ghotilo cheke eghu ka nagnafami themire, “Jame faꞌunha eghu iagho atha fajifla glepo teke uludi hatimare mae soldia ka magra ra? Ba, iagho tangomana nate fakarhidi naikno teke uludi mae te nheta igre ka magra na? Tore, ninhigrana fara!”

Matiu 12:29

“Jateula tuana eghu theome tangomana kaisei naikno te ruma ka nogna suga mae te nheta na te blau nogna glepore. Mana na kulu haru famaku ghu mae te nheta na ame tangomana nga mana te ruma ka suga na te blau nogna famane glepore.

Nonomho Te Keli Teke Risoi Mae Mak 3:27

Jateula tuana eghu theome tangomana kaisei naikno te ruma ka nogna suga mae te nheta na te blau nogna glepore. Mana na kulu haru famaku mae te nheta na ame tangomana nga mana te ruma ka suga na te blau nogna famane glepo manare.

Luku 11:20

Nu te loku iara ka nogna nolaghi God te brue fajifladi naiture, igne ngala fagaglana gna nogna narane God te funei frunidi nogna naiknore la meihi ka ghotilo teuna.

Luku 11:22

Nu jame kaisei mae ke nheta lao gna manai mei magrani mana. Mae tuana ginauna na kulu hata fadelei nogna glepo mala magra mae te nheta igne teke rouronudi mana te mala reireghini nogna suga na. Eghuteuna ke leghugna igne mae tuana ginauna hata tufa tafri nogna glepo mana re ka mae kheragnare.