Luku 11:10 - Buka Blahi Ka Cheke Holo

¹⁰ Naugna ihei te tore glepo ka God na, God ginauna na tusu ranghini mana, eghuteuna ihei te mei te hiro glepo ka God na, mana ginauna na ludeni, nei ihei te kikidi ka nogna grengatha God na, God ginauna na tora ranghini mana.

Luku 11:10 Iomraidhean Croise

Nodi Khoje Hatimare Mae Jiu 31:22

Lord, tifa na iara neke mhaghu nogu fara glahula me fota ghau hila iagho neu sia. Nu kate kilo nigho iara na, iagho nomhi ghau iara ne togho ghau iara.

Lamentations 3:18

Eghume nanhetagu nei nogu grouronu teura la gnafahi! Iara theome tangomana te ofoni Lord te mala togho ghau na!

Lamentations 3:8

Neuba iara ne eha ka mana, mana tirogna fanomho ka nogu tharai iara na.

Matiu 5:42

Jame kaisei naikno tore glepo ka iagho, fei nogna eghu. Eghuteuna mae ihei te magnahaghei hata ghu kolho kaisei glepo ka iagho teuna, snakre lao ka mana eghu.”

Matiu 7:8

Naugna ihei te tore glepo ka God na, God ginauna na tusu ranghini mana, eghuteuna ihei te mei te hiro glepo ka God na, mana ginauna na ludeni, nei ihei te kikidi ka nogna grengatha God na, God ginauna na tora ranghini mana.

Luku 11:11

“Ba, ghotilo mae mama ra? Jame te tore sasa mae thumu na, iagho ginauna tusu ranghini kaisei mogo?

Luku 11:9

“Eghume te chekeni iara ka ghotilo na, heta thosei khusu thore na, God ginauna tusu ari ka ghotilo. Thosei khusu te hiro glepo ka God na, eghuteuna ghotilo ginauna ludeni. Ghotilo mei mala kikidi ka nogna grengatha mana na, mana ginauna na tora ranghi ghami ghotilo.

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Jemes 4:3

Nu kate tore ghotilo ka God na, mana na theome tusu ari ka ghotilo. Naugna gaoghathogna te tore ghotilo na thono jafra fara. Ghotilo khogla toreni kolho glepo te mala eni ghotilo puhi te diꞌa te magnahagheni themi na.

Jemes 5:11

Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.