Luku 10:42 - Buka Blahi Ka Cheke Holo

⁴² Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Luku 10:42 Iomraidhean Croise

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 119:173

Tarabana kobau sagho mala mei togho ghau iara, naugna iara ne leghudi nou famane vetula iagho gre.

Nodi Khoje Hatimare Mae Jiu 119:30

Tutuani, iara neke kulu vahinihi te mala leghu nigho na, nei iara la lasedihi nou vetula iagho ra.

Nodi Khoje Hatimare Mae Jiu 142:5

Lord God, iara eha mei ka iagho mala togho ghau, naugna iagho ngala vido keli te mala poru iara na. Iara magnahaghei kaisei glepo kolho, glepo igne mala au balumu iagho fabrahu.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Nodi Khoje Hatimare Mae Jiu 27:4

Iara la torenihi kaisei glepo ka Lord, kaisei glepo kolho te magnahagheini fara iara na. Iara magnahaghei te au fabrahu ka sugagna Lord na mala filoni nei ghaoghathoni eghu puhigna Lord te thofno keli fara na. Eghuteuna iara magnahaghei te toreni mana mala falalaseni tagu u nabrou te keli na.

Nodi Khoje Hatimare Mae Jiu 73:25

God iagho te au teu kligna, kaisei iagho ngala te rouronu nigho iara na. Eigna iagho ngala nogu God iara na, iara theome magnahagheni kaisei glepo ka nauthoglu igne.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Nonomho Te Keli Teke Risoi Mae Mak 8:36

Jame kaisei naikno snori nogna fara ka gobigna lepo gna nauthoglu igne, eghuteuna nakarha na jifla kokoni mana, ba, glepo tuare na toghoni mana? Theo fara!

Luku 10:39

Mafa au kaisei greghagna, nanghagna na Meri. Eghuteuna Meri mei ne gnokro rhegna mae Jisas mala fanomho kate farirhiu mana na.

Luku 11:1

Kaisei fata mae Jisas tarai neu ka kaisei vido. Kate gnafa tarai mana na, kaisei mae ka hatimare mae fanomhore ne cheke eghu, “Lord, farirhiu ghami te mala tarai na, jateula mae Jone teke farirhiudi nogna mae fanomho ra eghu.”

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Luku 12:33

Eghume ghotilo fofoli nomi glepore mala hata sileni mala tusu lao ka naikno te kumare. Ghotilo hata thofno gloi sileni te theome tangomana te thona nei breku teu igne. Ghotilo mala salo fodu nomi dedei gna kligna te theo ka gnafa gna, nu au fabrahu. Eghuteuna kligna na theo kaisei mae te mala blau te tangomana te tei thokeni ba theo kaisei khokorosi nate ghamu fadiꞌani na.

Luku 16:2

Mae dedei igne ne kilo meini mana ne cheke eghu ka mana, ‘Iara ne nomhi thoutonu diꞌa eimu iagho na. Falalase ka iara unha te edi iagho ka nogu sileni iara re. Iagho ginauna theome tangomana teke mala reireghidi nogu mae gloku iara re.’

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Luku 18:22

Kate nomhini igne mae Jisas ne cheke eghu ka mana, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na eghu.”

Luku 8:18

Naugna te eghu tuana me, ghotilo faghano fanomho fakeli ka cheke igre. Naugna mae ihei te au nogna glepo na, God ginauna nake tusu ranghini mana keha glepoi. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Jone 11:1

Kaisei mae te fogra biꞌo fara nanghagna na mae Lasaros. Mana au ka namono Betani baludi Meri ghe Mafa phei greghagnare.

Jone 11:19

Aonu, kmana mae Jiu ne mei funudi jare mala toghodi Mafa ghe Meri mala theome diꞌanagnafa repa eigna greghadi te lehe na.

Jone 12:3

Ka vido tuana Meri ne hata ne mei kaisei botol sedi te ninhigrana fara foligna na nei famane sisiri keligna teuna, ne totofa ka phia ghahegna mae Jisas re ne famomoja ka khaklagna thegna te brahure. Eghuteuna suga thongana na ne fodu ka sisirigna sedi na.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Ululahu Korin 13:3

Neuba iara ne tufa nogu gobigna lepore ka naikno te kumare, ba snakre lao ghau thegu ka mae naokare mala nako falehe ghau ka khaꞌaghi eigna iara te loku ranghini God na, nu jame te theome namhadi iara keha naiknore, iara theo nafugu kolho ka nauthoglu igne.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Diutronomi 30:19

“Gognarona iara cheke fadoglo ari ka ghotilo jame ghotilo kolho te mala vahidi puhimi ghotilo re. Iara eha tei ka maloa ghe glose mala jateula witnes eghu repa ka nogu cheke iara gre. Eghume, ghotilo magnahaghei karha, ba ghotilo magnahaghei lehe? Ghotilo magnahagheni Lord te mala fablahi ghami, ba ghotilo magnahaghei ni Lord te goigoni ghami? Iara magnahaghei ghami ghotilo fara te mala vahini u karha na! Ghotilo mala namhani Lord nomi God, eghuteuna ghotilo mala fanomho ka mana nei leghuni fabrahu eghu mana. Lord kolho te tangomana te tusu ari karha ka ghotilo nei ka vikemi ghotilo ra eghu. Eghuteuna ghotilo ginauna tangomana te au raugha ka glose teke nhaꞌa cheke mana ka thilo mae kuꞌemi ghotilo ra Ebraham, Isak nei mae Jekop.”

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Josua 24:22

Aonu Josua ne cheke eghu ka mare, “Ghotilo la nomhihi themi te chekeni ghotilo ginauna tarai nei leghuni eghu Lord. Tutuani?” Mare ne cheke eghu, “Uve, tutuani fara!”