Luku 10:34 - Buka Blahi Ka Cheke Holo

³⁴ Mae gna Samaria igne tei ne tofa oel nei meresin neu ka nafnera gna mana re ne pipiha tafru. Aonu fasagheni ka nogna dongki na, eghuteuna hatani ne tei ka binaboli na. Jare ka binaboli igne mae gna Samaria gne ne reireghi fakelini mana.

Luku 10:34 Iomraidhean Croise

Jenesis 42:27

Kate tei te bongi na mare ne horo grorofe ne thuru. Eghuteuna kaisei mae ka hatimare mae thabusigna igre ne tothora nogna duku na mala hata keha gano malagna nogna dongki na. Mana ne filoni nogna sileni thegna na ka foflogna nogna duku na.

Nodi Khoje Hatimare Mae Jiu 147:3

Iheire teke au diꞌanagnafa ra kela glealeꞌa fapulo, eghuteuna iheire teke kabru ra kela gaota fapulo.

Eksodas 4:24

Kaisei bongi, kate theome posa teu Ijep na, mare au ka kaisei vido mala thuru. Ka vido igne, Lord mei ne magnahaghei faleheni Moses.

Nonomho Te Keli Teke Risoi Mae Mak 14:8

Naikno biꞌo igne eni glepo te keli igne ranghi ghau iara, naꞌa kulu toatofa sedi te siri keli gna na ka thinigu iara na, tarabana gna te mala giugilu mare thinigu iara na.

Luku 10:33

Nu kaisei mae gna Samaria mei ne posa ka mana te thuru teu ka geri nabrou na. Kate filoni mae igne na, mana ne kokhoni nognani fara.

Luku 10:35

Ka keha narane na mae gna Samaria igne ne hata fajifla keha sileni ne tusu lao ka mae te khotogna binaboli na ne cheke eghu, ‘Reireghi fakelini mae igne. Niha sileni te koko iagho ka mae igne na, iara ginauna nake tughu fapulo ka iagho kate ke pulo mei iara na.’ ”

Luku 2:7

Ka suga binaboli na, repa theo vido keli mala thurudire. Aonu Meri ne fakarha thugna nalhaꞌu ulu lahu na. Naꞌa ne pipiha ka pohe na, ne fatuthuruni ka sape mala faghamu buluka na.

Letas Teke Riso Tei Mae Pol Ka Khiloau Rom 12:20

Eghuteuna u grioriso te blahi na jaola cheke eghu, “Jame te rofo nogna nou naoka na, iagho fei ghegna. Eghuteuna jame te rogna koꞌu na, iagho fakoꞌuni. Jame te eni iagho igne na, iagho ginauna famamajani fara mana mala ke tughu mana puhignare ka iagho.”

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.