Luku 10:30 - Buka Blahi Ka Cheke Holo

³⁰ Cheke tughugna gusna igne, mae Jisas ne cheke eghu, “Kaisei fata, kaisei mae neke soru ka nabrou na funugna Jerusalem mala tei Jeriko. Keha mae te blau ne lokini kaisei mae ka nabrou na, eghuteuna mare ne hata koko nogna pohere nei mare ne purini mana. Ke leghugna igne mare ne tei kokoni mana thuru neu jare ka geri nabrou na.

Luku 10:30 Iomraidhean Croise

Nodi Khoje Hatimare Mae Jiu 88:4

Iara gognaro na theome nheta, eghuteuna naikno te gnafare gaoghathodi na, iara gne kaisei ka iheire te namo lehe teu igre.

Profet Jeremaea 51:52

“Nu te chekeni iara ka ghotilo na, narane igne ginauna mei te mala goigonidi iara nodi mumuju god mae Babilonia, heva heva ka kantri igne. Eghuteuna naikno te ghorehore mare na kabru ghedi tanhi fabiꞌo.

Lamentations 2:12

Goro sua igre tanhi ghedi gano nei khoꞌu eghu ka idodire. Ghilei khoko soru lamna nabrou jateula mae te fnera ra neu. Eghuteuna lehe soru nodi ka thinidi idodire.

Profet Esikiel 30:24

Aonu iara ginauna eni khamegna king gna Babilonia igne mala rheta eghuteuna nhaꞌa lao nogu naflahi mala magra na ka khamegna mana. Nu iara ginauna lolhopa phei khamegna king gna Ijep, eghuteuna mana ginauna kabru ghegna fara tanhi fabiꞌo jateula mae ihei te fnera te namo lehe ra eghu.

Luku 10:31

Eghuteuna ke leghugna igne, kaisei mae pris leghu nabrou ne soru, eghuteuna kate filoni mae igne, mae pris igne ne tei sala'u ka keha phile nabrou na.

Luku 18:31

Aonu mae Jisas ne hata fadelei nabotho phei nogna mae khurure ne cheke eghu ka mare, “Fanomho fakeli! Tahati na haghe Jerusalem. Ka namono tuana gobigna lepo teke cheke God ka hatimare mae profet ra, mare neke rioriso eigu iara mae teke mei funu ka God ra ginauna khale tutuani.

Luku 19:28

Ke leghugna te chekeni igne, mae Jisas ne kulu ulu mala haghe Jerusalem.