Luku 10:3 - Buka Blahi Ka Cheke Holo

³ Jifla ghotilo! Nu iara na kuru fajifla ghami ghotilo jateula sipu eghu ke lamnadi mae funei nei naikno eghu te jateula khuma fakaukathu teu are.

Luku 10:3 Iomraidhean Croise

Nodi Khoje Hatimare Mae Jiu 22:21

Fakarhi ghau ka mae te jateula lion teu te magnahaghei mei ghamu ghau iara igre. Bara fothi ghau ka nodi nolaghi mae te jateula buluka fakaukathu teu igre. Iara lase nigho te nomhidi nogu tharai iara igre!

Profet Sefanaea 3:3

Hatimare mae lida ka namono biꞌo Jerusalem, mare jateula lion te rofo te ku'e tafri ra eghu. Eghuteuna mae biꞌo ka namono igre, mare jateula khuma te rofo te ghamu fateo ghegna gano ra eghu. Eghuteuna theome lisei faleghu kaisei nhubra malagna keha narane na.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Luku 10:4

Eghuteuna ghotilo thosei hata sileni ba gloi ba fapea sadol balumi. Thosei kegra snoto mala toutonu balugna ihei te ludeni ghotilo ka nabrou na.

Jone 10:12

Te mae gloku kolho mana te theome khotodi mana sipure, mana tangomana te rikha kokodi u sipure kate filoni mana te mei khuma fakaukathu na. Aonu khuma fakaukathu igne ginauna mei hata kehare, eghuteuna keha sipure na rikha tafri.

Jone 15:20

Thosei ghatho ihoni cheke teke cheke eghu iara ka ghotilo tifeiro ia, ‘Mae gloku na theome tangomana te uluni nogna mae funei na.’ Te theome magnahaghei ghau iara mare na, naiknore ginau nake theome magnahaghei ghami la ghotilo. Te leghudi mare nogu cheke iara re, mare ginauna leghudi la nomi cheke ghotilo re.

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Mae Khuru 20:29

Naugna iara la kulu lasenihi igne. Ke leghugna te tei koko ghami iara ginauna, keha naikno te diꞌa puhidire ginauna mei fariuriu lalamadi naikno ka khiloau gne.

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Mae Khuru 9:2

ne toreni mana mala rioriso keha letas mala hata balugna tei Damaskas ka nodi suga tharai mae Jiure. Mae Sol ne magnahagheni mae pris biꞌo na te tusu ranghini nolaghi ka letas igre mala hirodi naiknodi Damaskas te leghuni puhi te mala fatutuani ni mae Jisas. Jame filo deni mana kaisei naikno nalhaꞌu ba gaꞌase te leghuni mae Jisas jare na, mana ginauna na lokidi mala ke hata fapulodi Jerusalem.