Luku 10:21 - Buka Blahi Ka Cheke Holo

²¹ Ka narane tuana, mae Tharunga te Blahi na ne thofno fagleꞌani mae Jisas ne cheke eghu, “Mama, iara cheke fakeli nigho, iagho mae te funei frunidi gobigna lepo kligna nei pari. Iara cheke fakeli nigho naugna iagho ne falalase ka iheire te jateula sua teu te ihore thofno glalase igne, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na. Uve, Mama, iagho eni igne naugna igne unha te thofno magnahagheni iagho na.

Luku 10:21 Iomraidhean Croise

Nodi Khoje Hatimare Mae Jiu 24:1

Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Nodi Khoje Hatimare Mae Jiu 8:2

Goro sua nei gegeꞌe teu igre jaola cheke fakelini nanghamu iagho na. Iagho au ka vido te keli te theome tangomana nou naoka nate ari te magri nigho na. Eghuteuna naikno te tirodi leghudi nou cheke iagho re, mare theome tangomana te ari te goigoni nigho na.

Profet Isaia 29:14

Eghume iara ginauna edi kmana glepo nate jaglo nodi fara mare na. Iara ginauna goigoni nodi glalase iheire te lalase, eghuteuna iara ginauna jaola fagnafadi nodi glalase mae iheire te au nodi glalase igre.”

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Profet Isaia 62:5

Ghotilo ginauna atha nomi glose igne, jateula kaisei mae nalhaꞌu majaghani te atha kaisei gaꞌase majaghani te mala khetogna teura eghu. God ginauna na jateula tuana eghu na thofno kelitagna fara ka ghotilo.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Profet Sefanaea 3:17

God, nomi Lord ghotilo na au balumi. Nogna nolaghi mana na ginauna togho ghami mala uluni ghotilo magra na. Lord ginauna kelitagna ka ghotilo, eghuteuna nogna namha na ginauna tusu ranghi ghami nakarha majaghani. Aonu mana ginauna koje jateula naikno te gleale'a te koje ka narane biꞌo ra eghu.”

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Matiu 21:16

Aonu, mare ne cheke eghu ka mae Jisas, “Ghema, la nomhidi iagho unha te chekedi goro sua igrea?” Mana ne cheke eghu ka mare, “Uve, iara la nomhidihi. Ghotilo la iu'ijunihi grioriso te blahi ia, “ ‘Ghotilo farirhiudi goro sua nei gegeꞌe teure mala kilo fnaknoni mana.’ ”

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Nonomho Te Keli Teke Risoi Mae Mak 10:15

Tutuani fara, te chekeni iara ka ghotilo na. Mae ihei te theome magnahaghei jateula sua igne teu te mei ka God na, mana ginauna na theome nabagna te au farihoteidi naikno God te funei frunidire.”

Luku 15:5

Eghuteuna kate filo deni na mana na gleale'a fara na pala haghe ka fafragna na pala nake pulo ka suga na. Mana na kilodi kheragnare na cheke eghu, ‘Gleale'a balugu iara, iara kela filo deni nogu sipu teke dofi ia.’

Luku 15:9

Eghuteuna kate filo deni na, naꞌa nake kilo fodudi kheragna nei vikegna teure na cheke eghu, ‘Gleale'a balugu iara naugna iara kela filo deni sileni teke dofi ia.’

Jone 11:41

Aonu, mare ne pili fadelei thina biꞌo tuana. Eghuteuna mae Jisas ne filo haghe kligna ne cheke eghu, “Mama, iara cheke fakeli nigho iagho, naugna iagho neke nomhi ghauhi iara.

Fapea Korin 4:3

Eghuteuna jame te theome fakakhana ka naikno u Nonomho te Keli te toutonuni ghehati igne na, u Nonomho te Keli igne na theome kakhana kolho ka naikno te snivi fabrahu re.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Efesus 1:5

God neke namha ghita nei vahi ghita vuha tifa mala thugna mana ka nogna gloku mae Jisas Kraes. Igne unha te magnahagheni nei gleꞌani teu God na.