Luku 10:2 - Buka Blahi Ka Cheke Holo

² Mae Jisas ne cheke eghu ka mare, “Naikno kmana te filodi ghotilo igre jateula gano te au ka nagare tela ghanohira eghu. Nu theome kmana naikno gloku te mala toghodi mare te mala fatutuani ghau iara na. Ghotilo tore ka God, mae khotogna nagare na, mala kuru mei mana kmana mae gloku te mala toutonuni Nonomho te Keli igne, nei toghodi mare mala fatutuani ghau iara. Kate tei loku na, mare jateula mae te tei pulei gano ka nagare ia eghu.

Luku 10:2 Iomraidhean Croise

Ululahu Kings 18:22

Mae Elija ne cheke eghu, “Baal na au nogna fati gobi glimafulu profet, nu kaisei iara ngala te au na ka nogna profet Lord ra.

Nodi Khoje Hatimare Mae Jiu 68:11

Noda Lord neke cheke ranghidi naiknore, eghuteuna kmana gaꞌase ne jifla ne tei toutonuni chekegna mana igne.

Profet Jeremaea 3:15

Iara ginauna vavahi keha mae te keli ka iheire te leghuni puhigu iara na mala batu ghami ghotilo.

Profet Sekaraea 11:17

“Kokhoni ni fara mae ihei te tirogna reireghidi sipu re tuana! Uve, nabagna na mae tuana mei armi mala goigoni ni mana! Nabagna na mei naflahi mala kusu khamegna na! Nabagna na bilo koko tathagna fei nheta na mala dofu mana!”

Profet Sekaraea 11:5

Naikno te foli nei aknu falehe teu sipu igre ginauna theome tangomana te papara na. Eghuteuna mae te sabiri sipu igre, mare cheke eghu, ‘Tegio ka Lord! Gognarona iara kaisei mae dedei!’ Eghuteuna mae mala reireghi sipu igre jaola theome kokhonidi mare.

Naba 11:17

Iara ginauna soru mala cheke balumu iagho jare. Eghuteuna iara ginauna atha keha nolaghi gna nogu Tharunga te Blahi ka iagho ra, mala ke tufa lao ka mare. Mala tangomana mare te togho nigho mala reireghidi naiknore, mala nu theome nanga nou iagho eghu.

Naba 11:29

Aonu mae Moses ne cheke eghu, “Unha site nanga nou iagho ka iara te mala kmu mare teu gnea? Iara magnahagheini Lord te tufa lao nogna nolaghi gna Tharunga te Blahi na ka mare, mala cheke jateula mae profet eghu mare!”

Matiu 20:1

“Narane God te funei frunidi nogna naiknore jateula te eni ka thoutonu igne eghu. Kaisei fata, mae te khotogna nagare na jifla hamerane boibongi mala hata keha naikno mala tei loku ka nogna nagare na.

Nonomho Te Keli Teke Risoi Mae Mak 13:34

Ginauna na jateula kaisei mae funei tarabana te mala tei ka keha namono delei ia eghu. Ame tei kokoni nga nogna suga na teuna, mana ne lisa lao gobigna lepore ka khamedi nogna mae glokure mala reireghi mare. Mana ne tufa soasopagna gloku ranghidi mare. Kaisei mae mala reireghi grengatha mala fiofilo fakeli.

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Nonomho Te Keli Teke Risoi Mae Mak 16:20

Ke leghugna igne, mae fanomhore jifla ne tei heva heva ka nauthoglu gne ne toutonuni Nonomho te Keli na ka naiknore. Eghuteuna Lord thegna ne loku baludi mare, mala farerheta unha te cheke mare re, ka thua nafnata kofubobhoi ka nogna nolaghi na.

Luku 9:1

Mae Jisas ne kilo fodudi nogna nabotho phei mae khurure. Aonu mana ne tusu ranghidi nolaghi te mala fakelidi naikno te fogra, nei nolaghi te mala bruedi naiture.

Mae Khuru 11:19

Kate faleheni mae Stivin hatimare mae Jiure, kmana naikno khiloau ne rikha Jerusalem. Keha naiknore rikha ne tei fabrahu ghilei thoke ka Provins Fonisia, ka moumolu Saeprus nei ka namono biꞌo Antiok. Jare mare ne toutonuni u Nonomho te Keli na ranghidi kolho naikno Jiure.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Mae Khuru 13:4

Mae Tharunga te Blahi na ne kurudi mae Banabas ghe mae Sol mala tei ka namono Selusia. Funu jare phiamare saghe ka vaka ne tei thoke ka moumolu Saeprus.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Mae Khuru 22:21

“Nu Lord ne cheke eghu ka iara, ‘Jifla sagho gognaro! Iara ginauna na kuru tei nigho iagho kate gaꞌu ka namono aheva te au naikno te theome Jiu.’ ”

Mae Khuru 8:4

Naikno teke rikha Jerusalem re, mare ne toutonu ne tei tongana chekegna God na ka namono aheva te tei posa mare na.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Filipae 2:21

Keha naiknore ghathodi thedi kolho, eghuteuna tirodi hironi puhigna mae Jisas Kraes.

Filipae 2:25

Te doglo ka gaoghathogu iara na fapea fata kuru arini mae kherada Epafrodaetus ka ghotilo. Mana neke loku nei togho ghau iara eghu ka nogna gloku mae Kraes.

Filipae 2:30

Naugna mana neke namo lehehi ka teke loku ranghini mae Kraes na. Mana neke theome mhaghuni glehe na kate ke togho ghau iara ka gloku te theome tangomana ghami ghotilo te eni na.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Ululahu Tesalonika 2:9

Uve, kheraguro, ghotilo lase ghamihi ghehati loku heta fara bongi narane mala foli unha te nabami themi. Naugna ghehati theome magnahagheni te eni kaisei puhi biꞌo ka ghotilo kate toutonuni Nonomho te Keli gne.

Ululahu Tesalonika 5:12

Uve kheraguro, ghehati gognaro na tore ghami ghotilo mala ghatho tahudi naikno te loku heta balumi ghotilo, iheire God teke vahidi mala reireghi ghami nei farirhiu ghami eigna nakarhagna khiloau na.

Fapea Tesalonika 3:1

Uve kheraguro, tarai ghami mala tangomana chekegna Lord na mala ghosei tei ka namono te gnafa heva heva, eghuteuna naiknore ginauna tangomana te nomhini nei ghatho tahuni eghu farirhiu tuana, jateula teke enihi ka ghotilo ia eghu.

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Filimon 1:1

Uve, iara mae Pol, iara au ka suga sosolo eigna iara ne toutonuni nogna Nonomho te Keli mae Jisas Kraes. Ghepa mae thabusigna ka khiloau Timoti, rioriso ari letas igne ka iagho Filimon mae kherami fofodu ka gloku malagna God.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Thakle 2:1

Mae igne ne cheke eghu ka iara, “Iagho rioriso kaisei letas ranghini engel gna khiloau Efesus, eghuteuna iagho cheke eghu ka mana: Igne nogu cheke iara mae te louloku fitu nathunu fei nhetagu, nei nonolo farihoteidi fitu juta teke hohoro ka gol gre teuna.