Luku 10:19 - Buka Blahi Ka Cheke Holo

¹⁹ Fanomho fakeli ghotilo ia. Iara la tusu arihi ka ghotilo nolaghi te mala tangomana ghotilo te tapla ke klignadi mogo te faghughumhu nei khafrasege, mala theome kabru ghotilo. Eghuteuna iara la tusu arihi ka ghotilo nolaghi biꞌo te uluni fara ghotilo nogna nolaghi noda naoka tahati mae Satan. Eghuteuna ginauna na theo kaisei glepo nate fakabru ghami ghotilo na.

Luku 10:19 Iomraidhean Croise

Fapea Kronikols 10:11

Tutuani fara, mae kmagu iara na neke para ghami ghotilo ka gloku te biꞌo fara, nu iara ginauna nake para ghami fara ghotilo ka gloku ke biꞌo laoi. Mana neke puri ghami ghotilo ka khodo, nu iara ginauna nake puri ghami ghotilo ka aean.’ ”

Nodi Khoje Hatimare Mae Jiu 91:13

Iagho ginauna tapla ke klignadi lion, nei mogo te faghughumhu. Uve, neubane eghu ngau na theo kaisei glepo te diꞌa nate thoke nigho iagho na.

Profet Isaia 11:8

Kaisei sua ginauna nairu rhegna khora te au phanaga na. Eghuteuna neuba sua igne ne habo lao khamegna na ka khora mogo igne, nu mogo igne ginauna theome kathini kolho.

Profet Esikiel 2:6

Maegna ka nauthoglu, neuba naiknore ne tirodi ghau iara, ba tirodi fanomho ka iagho, ba ghaoghatho fadiꞌa eimu iagho, nu iagho thosei mhaghu, ba mhaghudi nodi cheke mare re. Nu iagho ginauna na jateula te au teu baludi bukrei khafrasege ra eghu, ba gnokro hoteidi gnaro te fachuchuru ra eghu. Nu iagho thosei mhaghudi unha te chekedi mare re.

Nonomho Te Keli Teke Risoi Mae Mak 16:18

Mare ginauna na loku mogo te faghughumhu, ba koꞌu phinu raha, mare ginauna na theome lehe. Mare ginauna habo khamedire ke klignadi naikno te fogra re, eghuteuna naikno te fogra re ginauna nake keli fapulo.”

Luku 11:12

Ba jame te tore ghegna nakredi ka iagho na, iagho ginauna tusu ranghini kaisei khafrasege? Theo!

Mae Khuru 28:5

Nu mae Pol ne pusi koko mogo na ne khoko lao lamna khaꞌaghi, eghuteuna mana ne theome kabru ghegna kolho.

Letas Teke Riso Tei Mae Pol Ka Khiloau Rom 16:20

Ginauna theome raugha, God mae ihei te tusu lao pharikeli ka nogna naiknore ginauna togho ghami ghotilo mala tapla soruni mae Satan. Iara tarai ka noda Lord Jisas Kraes mala falalase ranghi ghami khokofakasai na tifa tifa.

Thakle 11:5

Jame ihei te fariuriu goigonidi phei mae igre na, khaꞌaghi ginau jifla mei ka foflodi phei mae igre mala roꞌedi nei falehedi eghu nodi naokare.